Maandblad Zuid-Afrika

in Wikipedia, die vrye ensiklopedie
Jump to navigation Jump to search

Maandblad Zuid-Afrika is 'n tweetalige tydskrif wat in Amsterdam (Nederland) uitgegee word en as kontakpunt en forum vir almal in Nederland en België dien wat in Suid-Afrika belangstel. Diepte-artikels handel oor aktuele ontwikkelinge in en die letterkunde en geskiedenis van Suid-Afrika. Die aktiwiteite van die Nederlandse Stichting Zuid-Afrikahuis en die jongste aanwinste van die biblioteek van die Suid-Afrikaanse Instituut word in die blad aangekondig.

Maandblad Zuid-Afrika verskyn reeds sedert 1924 en tans tien maal per jaar. Dit word uitgegee deur die Nederlands-Zuid-Afrikaanse Vereniging (die NZAV) en finansieel ondersteun deur die Zuid-Afrikaansche Stichting Moederland en in minder mate ook deur die Vlaams-Zuid-Afrikaanse Cultuurstichting en die Van Ewijck-stigting. Die sekretariaat is in Suid-Afrika Huis. Tot 1938 was die bekende teoloog prof. J.W. Pont redakteur van die Maandblad.

Bibliografie[wysig | wysig bron]