Malgassiese ariary

in Wikipedia, die vrye ensiklopedie
Jump to navigation Jump to search
’n Noot van 100 ariary / 500 frank (1993).

Die ariary (Ar;[1] ISO 4217-kode MGA) is die huidige geldeenheid van Madagaskar. Dit word onderverdeel in 5 iraimbilanja en is een van net twee niedesimale geldeenhede wat tans gebruik word (die ander een is die ouguiya van Mauritanië). Die name "ariary" en "iraimbilanja" kom van die prekoloniale geld.

Geskiedenis[wysig | wysig bron]

Die ariary is in 1961 as nieamptelike geldeenheid ingestel. Dit was gelyk aan 5 Malgassiese frank en het die frank op 1 Januarie 2005 vervang as Madagaskar se amptelike geldeenheid.[2]

Die waarde is sedert 1961 op munte en banknote aangedui in die amptelike frank en die halfamptelike ariary/iraimbilanja. Van 1978 af is die waarde op munte met groter waardes net in ariary aangedui. Op banknote wat sedert 31 Julie 2003 uitgegee word, word die ariary-waarde groot aangedui en die frankwaarde in klein druk. Munte met laer waardes vertoon ook nou die ariary-waarde, maar die ontwerp het dieselfde gebly.

Banknote[wysig | wysig bron]

Die volgende banknote is verkrygbaar:[1]

Waarde Uitgereik Beskrywing
500 frank (100 ariary) 1994 meisie; seboes
1 000 frank (200 ariary) 1994 seun en skepe; vrou, vissermanne
2 500 frank (500 ariary) 1998 ou vrou; weefwerk
5 000 frank (1 000 ariary) 1995 jong seun; lemurs en voëls
100 ariary (500 frank) 2004 Reisigerspalm & karst; Antsirananabaai
200 ariary (1 000 frank) 2004 Dorpspoort; begrafnispaal
500 ariary (2 500 francs) 2004 Ambagsman; seboes
1 000 ariary (5 000 frank) 2004 Endemiese diere; sisal
2 000 ariary (10 000 frank) 2003 Kremetartbome; rysterrasse
5 000 ariary (25 000 frank) 2003 Daus; strand
10 000 ariary (50 000 frank) 2003 Deel van Rova van Antananarivo; padbouwerk

Verwysings[wysig | wysig bron]

  1. Banky Foiben'i Madagasikara. Besoek op 24 Februarie 2011.
  2. "Malagasy Ariary". famouswonders.com. Besoek op 29 Julie 2015.

Eksterne skakels[wysig | wysig bron]