Mauricie

in Wikipedia, die vrye ensiklopedie
Jump to navigation Jump to search
Sonop oor die Lac du Fou, Parc national de la Mauricie
Die herstellingsoord Sacacomie is in 'n bosgebied en langs 'n meer geleë
Toeriste geniet die Julieson in Sacacomie
Saint-Jean-des-Piles, 'n nedersetting langs die Rivière Saint-Maurice
Mauricie se industriële erfenis: Ancienne Aluminerie de Shawinigan - historiese aluminiumaanleg en hidroëlektriese kompleks in Shawinigan
Basilique Notre-Dame-du-Cap
Église Notre-Dame-des-Neiges, tussen 1909 en 1812 opgerig in Charette

Mauricie [mɔʁisi] is 'n tradisionele en moderne administratiewe streek in die Franssprekende Kanadese provinsie Quebec, met 'n oppervlakte van 35 860,05 km² en 'n bevolking van 266 112 (volgens die sensus van 2016).

Inheemses beskou Mauricie saam met Lanaudière as deel van die hartland van Nieu-Frankryk, geleë halfpad tussen Québec se metropole Montréal en Ville de Québec, met 'n buitengewone argitektoniese erfenis wat - temidde van uitgestrekte bosse - in klein nedersettings bewaar word. Mauricie se mees suidelike gebied, 'n tradisionele spilpunt van die houtbedryf met papiermeule, strek oor 'n afstand van sowat 300 km langs die Sint-Laurensrivier, vanuit Trois-Rivières na Lac St. Jean in die noorde, waar dit tot een van die mees geïndustrialiseerde streke in Quebec ontwikkel het - met papierfabrieke, 'n aluminiumaanleg en waterkragsentrales langs die Saint-Mauricerivier wat die nywerhede van krag voorsien.

Langs die rivier is een van Mauricie se toeristetrekpleisters geleë, die Nasionale Park van Mauricie (Parc National de la Mauricie) met 'n oppervlakte van 536 km². Die park is in 1970 gevestig om die fauna en flora van hierdie ongerepte wildernis met sy gemengde bosse en sowat 150 mere te beskerm. Groot dele daarvan is net per kano toeganklik.

By die Saint-Maurice se monding in die Saint-Laurent is een van Quebec se belangrikste pelgrimsoorde geleë, die Sanctuaire Notre-Dame du Cap. Terwyl 'n vroeë 18de eeuse bedevaartskerk bewaar gebly het, stroo Rooms-Katolieke pelgrims na die moderne basiliek wat in 1964 ontstaan het om die wonders te herdenk wat Vader Luc Désilets laat in die 19de eeu hier beleef het.

Eksterne skakels[wysig | wysig bron]

Toerisme