MediaMarktSaturn Retail Group

in Wikipedia, die vrye ensiklopedie
Jump to navigation Jump to search
MediaMarktSaturn Retail Group
MediaMarktSaturn.png

Die mitte Alexanderplatz IMGP1725.jpg
Alexa Eingangsbereich Berlin2007.jpg
Tipe Gesellschaft mit beschränkter Haftung (GmbH)
Gestig 24 November 1979
Hoofkantoor IngolstadtBeiere, Duitsland
SleutelpersonePieter August Haas (hoof uitvoerende beampte), Wolfgang Kirsch, Joachim Rösges
Gebied bedienEuropa, Turkye
IndustrieKleinhandel
ProdukteElektroniese verbruikersware, sagteware, boeke, kombuisgereedskap
Inkomste22 miljard € (2015/16)
Werknemers65 000 (2015/16)
DivisiesMedia Markt
Saturn
redcoon
WebwerfMedia-Saturn
Saturn-vlagskipwinkel, Europa-Center, Berlyn

MediaMarktSaturn Retail Group is die houermaatskappy vir die grootste Europese winkelketting vir elektroniese verbruikersware [1] waarin twee oorspronklik selfstandige winkelkettings en huidige handelsmerke, Media Markt en Saturn (vroeër Saturn-Hansa), saamgesmelt is. Vir die publiek tree Media Markt en Saturn nogtans as mededingers op waarby elkeen sy eie bestuur het en sy eie winkels (en aanlynwinkels) bedryf. 'n Derde handelsmerk, redcoon, tree uitsluitlik as aanlynhandelaar op. Die houermaatskappy maak tans nog deel uit van die aandelemaatskappy Metro AG, maar sal na dié se opsplitsing in 2017 deel uitmaak van die nuwe onderneming Ceconomy.[2] MediaMarktSaturn Retail Group se hoofkwartier is in die Beierse stad Ingolstadt geleë.

Die maatskappy word deur sy desentrale struktuur gekenmerk - sy winkels is in regtelike opsig selfstandige ondernemings waarin die MediaMarktSaturn Retail Group 'n meerderheid aandele hou. Die plaaslike bestuurders beskik oor 'n minderheid aandele van sowat tien persent. Hulle het 'n beperkte invloed op die aanbod, pryse, personeelbestuur en advertensies van hul handelswinkels.

Die MediaMarktSaturn Retail Group het in die afgelope dekades sterk groei getoon en tot die leidende handelsmaatskappy vir elektroniese verbruikersware in Europa ontwikkel. Tans is daar 1023 Media Markt- en Saturn-winkels in altesaam 15 lande wat in 2015/16 'n totale omset van 22 miljard € gegenereer het.[3] Die groep het tans sowat 65 000 medewerkers, waarvan 2 000 in die hoofkwartier in Ingolstadt.

Om die afset van elektroniese verbruikersware in die Kersseisoen van 2017 te verhoog, het die onderneming klante met pryskortings op die sogenaamde Black Friday in November na sy winkels gelok - 'n tradisie wat in Europa eers onlangs aan die Amerikaanse handelskultuur ontleen is. Anders as verwag het verbruikers op groot skaal teen afslagpryse gekoop, maar heelwat minder bestee in Desember. Die groep se bedryfsresultaat sal in die eerste kwartaal van 2018 met 15 persent daal tot €260 miljoen.[4]

Verwysings[wysig | wysig bron]