Medupi-kragstasie

in Wikipedia, die vrye ensiklopedie
Jump to navigation Jump to search
Medupi in aanbou, 2015
Medupi-kragstasie is in Suid-Afrika
Medupi
Medupi
Ligging van die Medupi Kragsentrale

Die Medupi-kragsentrale is 'n nuwe droogverkoelde steenkoolkragsentrale wat vir Eskom gebou word naby Lephalale in die provinsie Limpopo, Suid-Afrika. Wanneer dit voltooi is, sal die kragsentrale bestaan uit ses ketels wat elkeen 800 MW turbines aandryf, en altesaam 4 800 MW elektrisiteit opwek. Dit sal die grootse droogverkoelde en vierde grootste steenkoolkragsentrale ter wêreld wees.[1][2] Die kontrak om die ketels te voorsien is met Hitachi gesluit, en Alstom sal die stoomturbines vir die aanleg voorsien.[3] Teen 'n bedrag van R33,6 miljard is hierdie die grootste kontrak wat Eskom nog aangegaan het. Die ketels sal super-krities wees, wat die algehele doeltreffendheid van die kragsentrale verbeter.[4]

Steenkool vir Medupi sal voorsien word vanaf Exxaro se Grootgeluk-steenkoolmyn, noord van die bouterrein. Eskom het 'n kontrak met Exxaro gesluit om vir die volgende 40 jaar 14,6 megaton steenkool per jaar te lewer.[5] Die eerste eenheid sou in September 2011 in bedryf gestel word, met die opvolgende eenhede teen intervalle van 9 maande. Daar is destyds verwag dat die kragsentrale se totale koste R100 miljard sou beloop.[6] Die oprig van die kragsentrale het wydverspreide kritiek in Suid-Afrika ontlok.[7] Die regering, wat deur die ANC gelei word, is daarvan beskuldig dat die projek gedryf word omdat die ANC 'n 25%-belang in die onderneming het, en dat die party 'n wins na aan R1 miljard uit die verhandelings sal bekom. Ondersteuners van die projek argumenteer dat die aanleg nodig is vir die lewensbelangrike elektrisiteitsvoorsiening aan Suid-Afrika in die langtermyn.[8] Sommiges het uitgewys dat dit die effektiewe bestuur van Suid-Afrika se steenkool reserwes is wat eintlik nodig is, eerder as nog 'n nie-omgewingsvriendelike kragsentrale.[9] Die goedkeuring van die Wêreldbank se lening aan Eskom vir die voltooiing van die kragsentrale is wêreldwyd gekritiseer omdat die bou van die kragsentrale die omgewing sou knou en omdat die projek Suid-Afrika, wat reeds 'n armoede-probleem het, sal pootjie met 'n skuldlas.[10]

Daar is reeds op 8 Junie 2012 begin om die eerste ketel te toets.[11] In Julie 2013 is aangekondig dat Medupi met ongeveer ses maande vertraag is en dat koste ook buitensporig verhoog het en kommentators het op die ekonomiese impak gewys.[12][13]

Ná stakings en verdere probleme is die projek 'n paar keer uitgestel. In 2014 is daar verwag dat die eerste eenheid eers in Julie 2015 (4 jaar laat) in bedryf gestel sou word, en dat die projek in Junie 2018 voltooi sou wees.[14]

Die kragstasie se eenheid ses is op Sondag 23 Augustus 2015 in diens gestel en lewer 800 MW krag. In Maart 2020 is in die parlement onthul dat die konstruksiebegroting van Medupi na verwagting tot R145 miljard sou styg en die voltooiingsdatum sal teruggedruk word na tot die einde van 2020.[15]

Verwysings[wysig | wysig bron]

  1. "Medupi Power Station". Eskom.[dooie skakel]
  2. "Projects under execution". Alstom.[dooie skakel]
  3. "Trade Invest SA".[dooie skakel]
  4. Faurie, Jonathan (14 Desember 2007). "Supercritical boilers to improve efficiency at Medupi". Engineering News (in Engels). Besoek op 10 Julie 2020.
  5. Faurie, Jonathan (5 December 2008). "Medupi project on track for scheduled delivery". Engineering News. Besoek op 10 July 2020.
  6. "Reuters". Reuters.uk.[dooie skakel]
  7. "Zille says ANC stands to make R1bn from Medupi". The Mail & Guardian (in Engels). 10 August 2018. Geargiveer vanaf die oorspronklike op 10 August 2018. Besoek op 10 July 2020.
  8. "Ei News". Ei News.[toegang benodig]
  9. "National Response to SA Electricity Situation - 2008" (pdf). info.gov.za.[dooie skakel]
  10. ClimateWire, LISA FRIEDMAN of (24 Mei 2010). "South Africa Wins $3.75 Billion Coal Loan". NYTimes.com (in Engels). Geargiveer vanaf die oorspronklike op 24 Mei 2010. Besoek op 10 Julie 2020.
  11. "Eskom kry klap van gemeenskap". Beeld. 11 Junie 2012.
  12. "Medupi power station's completion delayed". The Mail & Guardian (in Engels). 12 Julie 2013. Geargiveer vanaf die oorspronklike op 12 Julie 2013. Besoek op 10 Julie 2020.
  13. "Belastingbetalers gaan hoes vir Medupi". Nuus24. 9 Julie 2013. Archived from the original on 11 Julie 2013. Besoek op 10 Julie 2020.CS1 maint: unfit url (link)
  14. "Real reason behind South Africa's electricity mess". MyBroadband (in Engels). Besoek op 5 November 2014.
  15. Jika, Thanduxolo; Skiti, Sabelo (19 Maart 2020). "More woes for Medupi and Kusile". The Mail & Guardian (in Engels). Besoek op 10 Julie 2020.

Koördinate: 23°42′S 27°33′O / 23.700°S 27.550°O / -23.700; 27.550