Memory Stick
- Hierdie artikel handel oor Sony se eie handelsmerk-geheueformaat. Vir die mobiele USB-stoortoestel, sien USB-flitsdryf. Vir die omvattende flitsgeheue-gebaseerde kaartkategorie, sien flitsgeheue.
Memory Stick is 'n verwyderbare flitsgeheuekaartformaat wat in Oktober 1998 deur Sony vrygestel is.[1] Die naam word in die algemeen ook gebruik om die hele familie van geheuestokkies (in Engels) te beskryf.
Bykomend tot die oorspronklike Memory Stick, sluit hierdie familie die Memory Stick PRO in, 'n hersiening wat groter maksimum stoorkapasiteit en vinniger lêeroordragsnelhede bied; Memory Stick Duo, 'n kleinvormfaktorweergawe van die Memory Stick (insluitend die PRO Duo); en die nog kleiner Memory Stick Micro (M2). In Desember 2006 het Sony die Memory Stick PRO-HG bygevoeg, 'n hoëspoedvariant van die PRO om gebruik te word in hoë-definisievideo en stilkameras. Memory Stick-kaarte kan gebruik word in Sony PSP en Sony XDCAM EX videokameras via die MEAD-SD01 passtuk.[2] SanDisk en Lexar is van min derdepartyvervaardigers van Memory Stick. Kingston bied 'n universele microSD na Memory Stick Pro Duo-passtuk aan, maar dit is nie-amptelik.
Toepassings[wysig | wysig bron]
Tipies word die Memory Stick as stoormedia vir 'n draagbare toestel gebruik, in 'n vorm wat maklik verwyderbaar is vir toegang tot 'n persoonlike rekenaar. As voorbeeld gebruik Sony digitale kompakte kameras Memory Stick vir die stoor van sy beeldlêers. Met 'n geheuekaartleser wat Memory Stick ondersteun, kan 'n gebruiker dan die foto's wat met die Sony digitale kamera geneem is na 'n rekenaar aflaai.
Sony sluit ook Memory Stick-leserhardeware in by sy eie verbruikerselektronika, soos digitale kameras, digitale musiekspelers, PDAs, selfone, die VAIO-reeks skootrekenaars, asook Sony se handtoestelle, soos die PlayStation Portable en PS Vita.
Verwysings[wysig | wysig bron]
- ↑ Sony.net. "Sony Global – Press Release – Sony Announces 'Memory Stick' Recordable IC Memory Card Products New Format Supports Recording and Playback of Audio/Video Content". Persberig. http://www.sony.net/SonyInfo/News/Press_Archive/199807/98-067/. Besoek op 13 November 2011.
- ↑ "MEAD-MS01 Memory Stick card adapter (Sony)" (in Engels). Pro.sony.com. Geargiveer vanaf die oorspronklike op 21 Mei 2017. Besoek op 13 November 2011.
| Hierdie artikel is in sy geheel of gedeeltelik vanuit die Engelse Wikipedia vertaal. |
