Skootrekenaar

in Wikipedia, die vrye ensiklopedie
Jump to navigation Jump to search
'n Skootrekenaar

'n Skootrekenaar is 'n rekenaar wat maklik is om rond te dra. 'n Tipiese skootrekenaar kan met behulp van skarniere opgevou (toegeklap) word. Om dit te gebruik kan dit sommer op die skoot oopgeslaan en aangeskakel word. In die praktyk word skootrekenaars egter dikwels op 'n lessenaar of tafel geplaas voordat dit aangeskakel word.

'n Skootrekenaar het basies dieselfde komponente as 'n persoonlike rekenaar, maar is afgeskaal om dit kleiner te maak. Dit sluit in: 'n skerm, 'n sleutelbord, luidsprekers en 'n wystoestel (in plaas van 'n muis). Die skootrekenaar het batterye sodat dit mobiel (sonder direkte kragtoevoer) gebruik kan word. Die batterye hou gewoonlik nie lank nie en moet gereeld herlaai word. Anders as by persoonlike rekenaars, is die komponente van die skootrekenaar in 'n enkele (eenstuk) toestel verpak.

'n Netboek is 'n ligter (en dikwels goedkoper) tipe skootrekenaar.

Geskiedenis[wysig | wysig bron]

Alan Kay hou sy konsep-weergawe van sy "Dynabook" in 2008 in Kalifornië
Die Epson HX-20, die eerste skootrekenaar, is in 1980 uitgevind en in 1981 bekendgestel

Soos die persoonlike rekenaar in 1971 beskikbaar geword het, het die idee van 'n persoonlike rekenaar wat maklik is om rond te dra binnekort gevolg. Die IBM 5100, die eerste kommersiële beskikbare draagbare rekenaar het in September 1975 verskyn.[1]

Verwysings[wysig | wysig bron]

  1. IBM 5100 computer. oldcomputers.net. URL besoek op 6 Julie 2009.

Eksterne skakels[wysig | wysig bron]