Metafilosofie

in Wikipedia, die vrye ensiklopedie

In die metafilosofie (vanuit die Griekse meta μετά wat "na", "agter" en "self" beteken+ filosofie φιλοσοφία of "liefde vir wysheid") bestudeer filosowe die onderwerp, metodes en doelstellings van die filosofie. Dus 'n filosofie van die filosofie.[1]

Die belangrikste vraag wat deur metafilosowe gestel word, is: "Wat is filosofie?" Deur hierdie selfrefleksie hoop hulle om waardevolle antwoorde te vind om hul veld beter te definieer. Dit is ook die taak van metafilosofie om te probeer om die hele bestaande filosofiese rigtings en dissiplines vanuit 'n oorkoepelende objektiewe perspektief te beskou.

Vrae wat tipies van metafilosofie is sluit in:

  • Is die waarhede wat die filosofie vind analities of eerder sinteties?
  • Is dit a priori of posteriori waarhede?
  • Is die stellings wat die filosofie maak noodwendig waar of eerder voorwaardelik soos in die natuurwetenskappe?

Bron[wysig | wysig bron]

  • Hierdie artikel is vertaal vanuit die Nederlandse Wikipedia

Verwysings[wysig | wysig bron]

  1. Lazerowitz, M. (1970). "A note on "metaphilosophy"". Metaphilosophy. 1 (1): 91. doi:10.1111/j.1467-9973.1970.tb00792.x. sien ook die Internet Encyclopedia of Philosophy artikel: Contemporary Metaphilosophy

Eksterne skakels[wysig | wysig bron]