Metro van Helsinki

in Wikipedia, die vrye ensiklopedie
Jump to navigation Jump to search
Die Hakaniemi-stasie in Februarie 2018
Kaart van die metrostelsel

Die Metro van Helsinki (Fins: Helsingin metro, Sweeds: Helsingfors metro) is 'n openbare vervoerstelsel wat die stede Helsinki en Espoo in die Finse hoofstadsgebied bedien. Dis die enigste moltreinstelsel in Finland en ook die noordelikste ter wêreld.[1]

Die moltreinstelsel is in 1982 tussen die stasies van Rautatientori en Herttoniemi geopen, en is tydens die volgende 16 jaar na Ruoholahti in die weste, Mellunmäki in die noordooste en Vuosaari in die ooste uitgebrei. 'n Westelike uitbreiding (Länsimetro), wat van Ruoholahti (die voormalige westelike terminus) in die ooste tot Matinkylä in die westelike buurstad Espoo strek, is in 2017 geopen.

Die huidige netwerk met 'n totale lengte van 35 km bestaan uit 25 stasies waarvan 16 ondergronds en nege bogronds is. Die moltreinstelsel se twee lyne, M1 tussen Matinkylä en Vuosaari en M2 tussen Tapiola en Mellunmäki, vervoer altesaam 63 miljoen passasiers per jaar.[2]

Verwysings[wysig | wysig bron]

  1. "Maailman pohjoisin metro viettää syntymäpäiväänsä" (in Fins). MTV Uutiset. 2 Augustus 2007. Geargiveer vanaf die oorspronklike op 15 November 2019. Besoek op 15 November 2019.
  2. "Metroasemien käyttäjämäärät" (in Fins). HKL. 23 Julie 2019. Geargiveer vanaf die oorspronklike op 21 Januarie 2020. Besoek op 15 November 2019.

Eksterne skakels[wysig | wysig bron]