MiG-25

in Wikipedia, die vrye ensiklopedie
Jump to navigation Jump to search
MiG-25 "Foxbat"
Russian Air Force MiG-25.jpg
Tipe Onderskepvegter, verkenningstuig
Vervaardiger Mikoyan
Ontwerp deur Mikoyan
Nooiensvlug 6 Maart 1964
Bekendstelling 1970
Status Beperkte diens
Hoofgebruiker Russiese Lugmag
Algerynse Lugmag
Siriese Lugmag
Vervaardig 1964–1984
Aantal gebou 1 186[1]

Die Mikojan-Goerewitsj MiG-25 (Russies Микоян МиГ-25) is 'n derdegenerasie-vegvliegtuig wat in die Sowjetunie ontwerp is met die oog op lugsuperioriteit. Nadat die MiG-25 in die 1960's deur die ontwerpateljee van Mikojan-i-Goerewitsj ontwikkel is, is dit in 1970 deur die Sowjetlugmag in gebruik geneem. Die vegvliegtuig is nog steeds in beperkte diens van die Russiese Lugmag en andere.

Toe die vliegtuig die eerste keer op verkenningsfotografie (spioenasie) deur die Weste waargeneem is, het die groot vlerkoppervlak 'n enorme en hoogsbeweeglike vegter voorgestel. Terselfdertyd het die Amerikaanse ontwerpsteorieë ook tot hoër beweeglikheid ontwikkel, te danke aan gevegsondervinding wat tydens die Viëtnamoorlog opgedoen is. Die bestaan van die MiG-25 het tot ernstige kommer in die Westerse wêreld gelei, en 'n dramatiese prestasieverbetering is versoek vir die F-15 Eagle wat onder ontwikkeling was in die laat-1960's.

Die vermoëns van die MiG-25 is beter verstaan ​​in 1976 toe die Sowjet-vlieënier Viktor Belenko in 'n MiG-25 via Japan oorgeloop het na die Verenigde State van Amerika. Nadat die MiG deeglik ondersoek is deur Amerika, blyk dit dat die swaar massa van die vliegtuig die groot vlerke genoodsaak het.

In verslae van die Noord-Atlantiese Verdragsorganisasie (NAVO) word na die MiG-25 as Foxbat verwys.

Sien ook[wysig | wysig bron]

Verwysings[wysig | wysig bron]

  1. (en) "Products: Military Programs." migavia.ru/eng. Besoek op 17 Mei 2014.