MiG-35

in Wikipedia, die vrye ensiklopedie
Jump to navigation Jump to search
MiG-35
Mikoyan-Gurevich MiG-35 MAKS'2007 Pichugin.jpg
Tipe Lugmeerderwaardigheidsvegter, meerdoelige vegter
Vervaardiger Mikojan
Ontwerp deur Mikojan
Nooiensvlug 2007
Vrygestel 2018 (beplan)[1]
Status Vlieg-toets / pre-reeks produksie[2][3][4]
Hoofgebruiker Russiese Lugmag
Egiptiese Lugmag
Aantal gebou 3 bekende tot in Junie 2010[5]
Ontwikkel van Mikoyan MiG-29M

Die Mikojan MiG-35 (Russies: Микоян МиГ-35, NAVO-verslagdoeningsnaam: Fulcrum-F) is 'n Russiese vegvliegtuig wat 'n verdere ontwikkeling is van die MiG-29M/M2 en MiG-29K/KUB vegters. Dit word geklassifiseer as 'n 4++ generasie vegvliegtuig deur Mikojan.[6] Die eerste prototipe was 'n wysiging van die vliegtuig wat voorheen gedien het as 'n MiG-29M2 demonstrasiemodel. In 2009 is tien prototipes gebou vir veldproewe.[7]

Die MiG-35 is die eerste keer amptelik deur die MiG-korporasie bekendgestel by die internasionale Aero India 2007-lugskou.[8] Die MiG-35 is amptelik onthul tydens die Russiese Minister van Verdediging, Sergej Iwanof, se besoek aan die Lukhovitsky masjienbouaanleg "MAPO-MIG".[9] Die enkelsitplekweergawe word aangedui as MiG-35 en die tweesitplekweergawe is die MiG-35D. Die vegter het aansienlik verbeterde avionika en wapenstelsels, veral die nuwe AESA-radar en die uniekontwerpte optiese opspoorstelsel (OLS), wat verhoed dat die vliegtuig op grondbeheerde onderskeppingstelsels moet vertrou. Dit stel dit ook in staat om onafhanklike multirolmissies uit te voer.

Oorsprong en onthulling by Aero India[wysig | wysig bron]

Daar is verwysings in die laat-1980's na 'n baie verskillende ontwerp wat ook geïdentifiseer was as "MiG-35". Hierdie ontwerp is 'n enkelmotorige aanvalsvliegtuig vir lug-tot-lug en sekondêre lug-tot-grondrolle. Volgens onbekende Indiese bronne, is die vliegtuig geëvalueer deur Indiese vlieëniers in die Sowjetunie en was waarskynlik voorgestel as 'n alternatief vir die Indiese LCA ontwikkel op daardie tyd.[10]

MIG-35D by Aero India 2007

Rusland onthul die MiG-35 by die Aero India-2007 lugskou in Bangalore,[11] te midde van Moskou se gretigheid om hierdie vliegtuie aan Indië te verkoop. Die MiG-35 was 'n aanspraakmaker saam met die Eurofighter Typhoon, F/A-18E/F Super Hornet, Rafale, JAS 39 Gripen en F-16 Fighting Falcon in die Indiese MRCA kompetisie vir 126 veeldoelige vegvliegtuie wat verkry sou word deur die Indiese Lugmag. Die MiG-35 is uitgeskakel in die wedloop in April 2011.[12]

Produksie en opgraderings[wysig | wysig bron]

Die MiG-35/MiG-35D toon vooruitgang op die MiG-29K/KUB en MiG-29M/M2 vegters met verbetering in gevegsdoeltreffendheid, universaliteit en operasionele eienskappe.[13] Die belangrikste kenmerke van die nuwe ontwerp is die vyfde-generasie-inligtingwaarnemingstelsels, verenigbaarheid met Russiese en buitelandse wapentoepassings en 'n geïntegreerde verskeidenheid van verdedigingstelsels wat gevegsoorlewing verhoog. Die nuwe algehele ontwerp verbeter op die ontwerpkonsepte van die basislynmodel en stel die nuwe vliegtuig in staat om volskaalse multirolmissies uit te voer, net soos hul Westerse eweknieë.[13]

Sien ook[wysig | wysig bron]

Verwysings[wysig | wysig bron]

Eksterne skakels[wysig | wysig bron]