Missak-sentrum
Die Missak-sentrum bevorder die Vlaamse en Armeense kultuur in Suid-Afrika.
Ligging[wysig | wysig bron]
Die Missak Museum is gevestig in die huis tans bekend as St. Aubyn’s met die adres Westcliffrylaan 80 in Randburg. Boeke, dokumente, skilderye en foto’s in die oorspronklike museum is tans by die Universiteit van Johannesburg.
Museum[wysig | wysig bron]
In die museum is die mees besondere voorwerpe ‘n Vlaamse kas uit die Renaissance, ‘n monnikstoel met besondere houtsneewerk, Persiese gordyne geweef uit ses verskillende soorte garingdraad, ‘n Franse Empire-styl horlosie uit die Napoleontiese tyd en ‘n versameling Persiese matte. Verder is daar antieke items van glas, poselein en koper.
Universiteit[wysig | wysig bron]
Die nagenoeg 10 000 boeke is tans in die biblioteek van die Universiteit van Johannesburg. Sommige van die boeke dateer uit die 17de en 18de eeu. Die versameling handel oor ‘n wye verskeidenheid onderwerpe, naamlik onder andere Oosterse matte, kuns, godsdiens, geskiedenis, geneeskunde, die okkulte, chemie in die Middeleeue, astronomie en die Franse letterkunde. Dokumente het betrekking op die Ottomane, Armeniërs, Grieke en die Franse. Skilderye en ander kunsitems is oorgeplaas na die universiteit se kunsgalery.
Bemaking[wysig | wysig bron]
Julien Minas Missak (*1906 - †1980) is in België gebore vir ’n Armeense vader en ‘n Vlaamse moeder. Hy kom in 1950 na Suid-Afrika en koop die huis wat in ±1930 gebou is. Die dubbelverdieping-woning staan op ‘n erf van 2½ ha, met terrasse, visvywers, ‘n tennisbaan en ‘n sonwyser. In die amper 30 jaar bou die welgestelde Missak ‘n unieke versameling op. Hy beywer hom vir die stigting van die Randse Afrikaanse Universiteit en bemaak by sy dood sy huis en die inhoud daarvan aan die universiteit op voorwaarde dat ‘n sentrum vir die behoud en ontwikkeling van die Armeense en Vlaamse kultuur daaring gehuisves word. Die huis is ‘n gedenkwaardigheid.
Bibliografie[wysig | wysig bron]
- uj.ac.za
- Unieke Kultuursentrum: nalatenskap vam J.M. Missak. In: Lantern.Tydskrif vir Kennis en Kultuur. Jaargang 32, nr.1, Desember 1982
- www.heritageregister.org.za