Modeontwerp

in Wikipedia, die vrye ensiklopedie
Twee naaldwerksters, Rue du Claire, Parys. (Paul Signac, 1885-86.)

Modeontwerp is 'n toegepaste kuns wat konsentreer op die ontwerp van klere en bykomstighede, wat gewoonlik onder die sosiale en kulturele invloed van 'n spesifieke tyd geskep word.

Modeontwerp verskil van kostuumontwerp siende dat die eersgenoemde se produk van nature ná een of twee seisoene verouderd is. 'n Seisoen word gedefinieer as óf herfs/winter, óf lente/somer. Daar word aanvaar dat modeontwerp in die 19de eeu begin het, toe Charles Frederick Worth vir die eerste keer 'n etiket aan sy klere genaai het. Terwyl alle kledingstukke uit enige periode as onderwerp vir kostuumontwerp geneem kan word, kan slegs klere wat ná 1858 ontwerp is as modeontwerp beskou word.

Ontwerpers kan eksklusief mans- of vrouemodes ontwerp. Ander ontwerper skep ontwerpe vir individuele kliënte of verkoop hulle ontwerpe aan spesialiteitswinkels of hoë-modewinkelkettings. Hierdie ontwerpers skep hulle eie ontwerpe, maar verskaf ook ontwerpe wat gevestigde modeneigings volg. Mééste ontwerpers werk vir klerevervaardigers, wat ontwerpe vir mans-, vroue- en kinderdrag vir die massamark vervaardig. Ontwerpershandelsmerke wat 'n "naam" vir hulle merk het, byvoorbeeld Calvin Klein of Ralph Lauren, het gewoonlik 'n span individuele ontwerpers wat onder die bestuur van 'n ontwerpersbestuurder werk.

Wêreld modebedryf[wysig | wysig bron]

Mans wat karretjies met vroueklere trek in Garment District, New York, 1955

Mode is vandag 'n wêreldwye bedryf, en meeste groot lande het 'n modebedryf. Sewe lande het 'n internasionale reputasie in die mode gevestig: Frankryk, Italië, die Verenigde Koninkryk, die Verenigde State, Japan, Duitsland en België. Die "groot vier" mode-hoofstede van die modebedryf is Parys, Milaan, New York-stad en Londen.[1]

Japannese modeontwerp[wysig | wysig bron]

Die meeste Japannese modehuise is in Tokio. Die Japannese voorkoms is los en ongestruktureerd (wat gewoonlik lei tot ingewikkelde snywerk), kleure is geneig tot die somber en subtiele, en ryk tekstuurstowwe. Bekende Japannese ontwerpers sluit in Kenzō Takada, Issey Miyake, Yohji Yamamoto en Rei Kawakubo.

Suid-Afrikaanse modeontwerp[wysig | wysig bron]

Suid-Afrikaanse mode is bekend vir die samesmelting van verskillende style, kulture en reaksies op sosiale omstandighede. Dit is 'n hibriede tussen Afrikamense self en buitelanders waarmee hulle interaksie gehad het. Vanweë die uiteenlopendheid daarvan word geen enkele styl van kleredrag as nasionale kleredrag aangedui nie, maar elke groep mense het 'n kenmerkende manier om hulself aan te trek.[2]

Kaapstad en Johannesburg meeding as die hoofstad van die modebedryf in Suid-Afrika. Beide is prominent by die SA modeweek vertoon.[3][4][5]

Verwysings[wysig | wysig bron]

  1. The big four fashion capitals of the world
  2. Farber, Leora (1 Maart 2010). Africanising hybridity? Toward an Afropolitan aesthetic in contemporary South African fashion design. Critical Art. pp. 128–167.
  3. http://www.ifashion.co.za/index.php?option=com_content&task=view&id=3003&Itemid=96
  4. https://www.wantedinafrica.com/news/south-african-fashion-continues-to-emerge-globally.html
  5. https://www.iol.co.za/lifestyle/style-beauty/fashion/so-where-is-the-worlds-fashion-capital-1653739