Morgan Freeman

in Wikipedia, die vrye ensiklopedie
Morgan Freeman
'n Beeld van die betrokke persoonlikheid.
Freeman in 2008.

Geboorte 1 Junie 1937 (1937-06-01) (86 jaar oud)
Aktiewe jare 1964-tans

Morgan Freeman[1] (gebore op 1 Junie 1937)[2] is ’n Amerikaanse akteur. Hy het in 2005 ’n Oscar vir beste manlike byspeler gewen vir Million Dollar Baby en is vir Oscars benoem vir sy spel in Street Smart (1987), Driving Miss Daisy (1989), The Shawshank Redemption (1994) en Invictus (2009). Hy het ook ’n Golden Globe en Screen Actors Guild Award gewen. Hy is bekend vir sy kenmerkende diep stem.

Loopbaan[wysig | wysig bron]

Sy eerste rolprent was in Who Says I Can't Ride a Rainbow? (1971), maar hy het die eerste keer in Amerika bekend geword danksy rolle in sepies soos Another World en die kinderprogram The Electric Company[3] Freeman self beskou sy rol as Fast Black in die prent Street Smart (1987) as sy deurbraakrol.[4]

Van die middel 1980's af was hy in groter byspelerrolle, as veral wyse, vaderlike karakters.[3] Hy het daarna in meer bekende prente gespeel soos die chauffeur Hoke in Driving Miss Daisy en sers. Major Rawlins in Glory (albei 1989).[3] In 1994 was hy Red in die hoog aangeskrewe The Shawshank Redemption.

Van die ander treffers waarin hy te sien was, is Robin Hood: Prince of Thieves (1991), Seven (1995), Deep Impact (1998), The Sum of All Fears (2002), Bruce Almighty (2003), The Lego Movie (2014) en Lucy (2014). Freeman is die ster wat die vierde meeste geld inbring: gemiddeld $74,4 miljoen per prent.[5]

Verwysings[wysig | wysig bron]

  1. Onderhoud The New Yorker, 3 Julie 1978
  2. Steinbeiser, Andrew (1 Junie 2015). "Happy Birthday! Morgan Freeman Turns 78 Today". ComicBook.com (in Engels). ComicBook.com. Geargiveer vanaf die oorspronklike op 28 Maart 2019. Besoek op 1 Junie 2015.
  3. 3,0 3,1 3,2 Uit Inside the Actors Studio, seisoen 11, episode 10
  4. Freeman talks 'Street Smart', winning an Oscar and reveals that acting isn't hard 21 Augustus 2014, YouTube. Besoek op 23 Augustus 2015
  5. "People Index." Box Office Mojo.