Mormoonse Tabernakelkoor

in Wikipedia, die vrye ensiklopedie
Spring na: navigasie, soek
Mormoonse Tabernakelkoor
Mormon Tabernacle Choir.jpg
Oorsprong Salt Lake City, Utah
Aktiewe jare 1847-hede
Webwerf Mormoonse Tabernakelkoor
Lede 360
Assosiasies Kerk van Jesus Christus van die Heiliges van die Laaste Dae
Portal.svg Musiekportaal

Die Mormoonse Tabernakelkoor, soms MoTab genoem, is ’n Amerikaanse vrywilligerkoor met 360 lede. Dit is deel van die Kerk van Jesus Christus van die Heiliges van die Laaste Dae (LDS) en het al verskeie Grammys en Emmys gewen.

Beskrywing[wysig | wysig bron]

Die koor, wat al deur president Ronald Reagan "Amerika se Koor" genoem is,[1] bestaan uit vrywillgers van die LDS; sommige woon naby die Mormoonse Tabernakel in Salt Lake City, Utah, maar ander reis ver vir kooroefeninge en die koor se weeklikse televisie- en radio-uitsending. Koorlede word nie betaal nie en hulle moet hul eie reiskoste dek. Baie van hulle is egpare, en sommige families sing al geslagte lank in die koor.

Die koor is in Augustus 1847 gestig, ’n maand nadat Mormoonse pioniers in die Salt Lake-vallei gaan woon het. Sedert 15 Julie 1929 het die koor ’n weeklikse radio-uitsending (later ook op TV gebeeldsend), Music and the Spoken Word, wat een van die oudste aaneenlopende radioprogramme in die wêreld is.[2] Aan die einde van die koor se 4 165ste direkte radio-uitsending op 12 Julie 2009 het die aanbieder van die program, Lloyd D. Newell, bekend gemaak die program is 80 jaar oud. Dit word sedert die vroeë 1960's ook wêreldwyd op TV uitgesaai.

Die koor word gewoonlik begelei deur ’n orkes, die tabernakel se orrel of soms albei. Met die voltooiing van die Kerk se konferensiesentrum reg langs die tabernakel is daar nou sale beskikbaar vir kooroptredes.

Die minimum ouderdom vir deelname is onlangs van 30 verlaag tot 25. Lede mag net 20 jaar in die koor sing, of hoogstens tot op 60. So kry nuwe mense meer dikwels kans om lid te word. Daar is ook ’n beperking op die afstand wat die koorlede van die tabernakel af mag woon om hul veiligheid te verseker.

Verwysings[wysig | wysig bron]

  1. Avant, Gerry (27 Januarie 2001). "Mormon Tabernacle Choir on parade". Verkry op 3 Mei 2011. 
  2. Mikita, Carole (2006-04-30). "Mormon Tabernacle Choir Marks 4,000 Broadcast". KSL-TV. Verkry op 14 Januarie 2009. 

Eksterne skakels[wysig | wysig bron]