Mountbatten-Windsor

in Wikipedia, die vrye ensiklopedie
Jump to navigation Jump to search

Mountbatten-Windsor is sommige afstammelinge van koningin Elizabeth II en prins Philip, Hertog van Edinburg se van, volgens ’n deklarasie van 1960.[1] Hoewel die deklarasie bepaal dat die van Mountbatten-Windsor van toepassing is op afstammelinge van die koningin in die manlike lyn wat nie koninklike titels het nie, word dit ook deur sommige gebruik wat wel titels het. Dit is waarskynlik omdat Mountbatten-Windsor in sulke gevalle beskou word as ’n "verborge van" volgens die deklarasie.[2] So het prins Andrew, Hertog van York, en prinses Anne, die koningin se kinders, dié van in die amptelike huweliksregister gebruik. Ook die Hertog en Hertogin van Cambridge het die van gebruik in ’n Franse hofsaak oor die foto's van ’n bostuklose Catherine wat in die Franse tydskrif Closer gepubliseer is.[3]

Mountbatten-Windsor verskil van die Britse koninklike familie se amptelike van, wat Windsor is.[1] Die van Mountbatten-Windsor is nie van toepassing op koninklikes wat nie van die koningin afstam nie, soos prinses Margaret se kinders.

Mountbatten-Windsor kan beskou word as ’n tak van die Huis van Sleeswyk-Holstein-Sonderburg-Glücksburg, wat weer ’n tak van die Huis van Oldenburg is.[4]

Verwysings[wysig | wysig bron]