Huis van Oldenburg

in Wikipedia, die vrye ensiklopedie
Spring na: navigasie, soek
Huis van Oldenburg
Arms of the County of Oldenburg.svg
Lande Denemarke, Ysland, Griekeland, Noorweë, Rusland, Swede, Sleeswyk, Holstein en Oldenburg
Oorsprong Noord-Duitsland
Stigter Christiaan I van Denemarke
Gestig 1448
Huidige hoof Christian Herzog van Oldenburg

Die Huis van Oldenburg is ’n Europese dinastie van Noord-Duitse oorsprong. Dit is een van Europa se invloedrykste koningshuise, met takke wat regeer of regeer het oor Denemarke, Ysland, Griekeland, Noorweë, Rusland, Swede, Sleeswyk, Holstein en Oldenburg. Die huidige koningin van Denemarke en koning van Noorweë, die voormalige koning van Griekeland, die gemale van Griekeland en Brittanje, sowel as die eerste 12 aanspraakmakers op die Britse troon is almal patrilineêre lede van die Glücksburg-tak van dié huis.

Die dinastie het beroemd geword toe graaf Christiaan I van Oldenburg in 1448 tot koning van Denemarke verkies is, in 1450 van Noorweë en in 1457 van Swede. Die huis regeer sedertdien oor Denemarke.

Geskiedenis[wysig | wysig bron]

Die huwelike van Middeleeuse grawe van Oldenburg het die weg gebaan vir hul erfgename om konings van verskeie Skandinawiese lande te word. Deur ’n huwelik met ’n afstammeling van koning Waldemar I van Swede en van koning Erik IV van Denemarke, het hulle sedert 1350 ’n aanspraak op die Sweedse en Deense troon.

In dié tyd was hul mededingers die afstammelinge van Margrethe I van Denemarke. In die 15de eeu het die Oldenburg-erfgenaam met dié aanspraak getrou met Hedwig van Schauenburg, ’n afstammeling van Euphemia van Swede en Noorweë en ook ’n afstammeling van Erik V van Denemarke en Abel van Denemarke. Aangesien afstammelinge wat ’n groter aanspraak gehad het uitgesterf het, het hul seun, (die bogenoemde) Christiaan, koning van al drie koninkryke van die Kalmarunie geword. Verskillende Oldenburgse takke het in verskeie lande regeer. Die huis het kortliks ook op die Britse troon ’n aanspraak gehad, deur die huwelik van koningin Anna en prins George van Denemarke en Noorweë; weens die vroeë dood van al hul kinders het die troon egter na die Huis van Hannover gegaan.

Christian Herzog von Oldenburg is die huidige (2017) hoof van die Huis van Oldenburg.[1]

Hooflyn[wysig | wysig bron]

  • Konings van Denemarke (1448–1863)
  • Konings van Noorweë (1450–1814)
  • Konings van Swede (1457–64, 1497–1501 en 1520–'21)
  • Grawe van Oldenburg (1101–1773)
  • Hertoë van Sleeswyk en grawe van Holstein (1460–1544)
  • Hertoë van Sleeswyk en Holstein, geheers oor net ’n deel van die hertogdomme (1544–1721/1773)
  • Hertoë van Sleeswyk (1721–1864, geheers oor die hele hertogdom)
  • Hertoë van Holstein (1773–1864, geheers oor die hele hertogdom)

Takke[wysig | wysig bron]

  • Sleeswyk-Holstein-Sonderburg-Augustenburg; manlike lyn het in 1931 uitgesterf
    1. Hertoë van Sleeswyk-Holstein (aanspraakmaker in 1863, daarna titulêre hertoë tot 1931)
  • Sleeswyk-Holstein-Sonderburg-Glücksburg
    1. Hertoë van Sleeswyk-Holstein (titulêre hertoë sedert 1931)
    2. Konings van Denemarke (sedert 1863)
    3. Koning van Ysland (1918–'44)
    4. Konings van Griekeland (1863–1924, 1935–'73)
    5. Konings van Noorweë (sedert 1905)
  • Sleeswyk-Holstein-Gottorp
    1. Hertoë van Holstein-Gottorp (1544–1739)
    • Holstein-Gottorp-Romanof (algemeen bekend as die Huis van Romanof)
      1. Hertoë van Holstein-Gottorp (1739–'73)
      2. Tsaars van Rusland (1762 en 1796–1917)
    • Holstein-Gottorp (Sweedse lyn), uitgesterf
      1. Konings van Swede (1751–1818)
      2. Koning van Noorweë (1814–'18)
    • Holstein-Gottorp (groothertoglyn)
      1. Hertoë, later groothertoë, van Oldenburg (1773–1918)

Galery[wysig | wysig bron]

Verwysings[wysig | wysig bron]

  1. Genealogisches Handbuch des Adels, Fürstliche Häuser XVI. Haus Oldenburg. C.A. Starke Verlag, 2001, pp.44-50. (German). ISBN 3-7980-0824-8
  2. Royal Styles and Titles – 1960 Letters Patent

Eksterne skakels[wysig | wysig bron]