NG gemeente Krugersdorp-Noord
Die NG gemeente Krugersdorp-Noord is 'n gemeente van die Nederduitse Gereformeerde Kerk in die Sinode Goudland (voorheen Wes-Transvaal).
Die gemeente is op 19 Januarie 1944 as 'n dogtergemeente van die moedergemeente Krugersdorp gestig. Teen 1952 was hier 900 belydende lidmate, dieselfde as in 2013, maar minder as die 934 einde 2014. Teen 2022 was dit net 396. Die eerste leraar, ds. C.C. van Dyk, vroeër medeleraar van Krugersdorp, is na die nuwe gemeente beroep en op 18 Maart 1944 deur ds. J.C Flemming, later moderator van die Natalse Kerk, bevestig. Hy het hier gebly tot sy aftrede in 1969. Ds. Van Dyk het die hoeksteen van die kerkgebou op 31 Augustus 1946 gelê. Dis ontwerp deur Hendrik Vermooten, wat vir altesaam 144 NG kerke verantwoordelik was, meestal van siersteen en in die Neo-Bisantynse styl.
Die kerkgebou is geleë op die hoek van Viljoen- en Derdestraat, Krugersdorp-Noord. Die leraar tans is ds. Jorina Redelinghuys. Hier was einde 2014 289 doop- en 934 belydende lidmate.
Leraars en medeleraars
[wysig | wysig bron]- C.C. van Dyk, 18 Maart 1944 - 1969
- Abraham Hugo Malan, 26 Julie 1969 - 1973
- Stefan Botma, Januarie 1973 - 1986
- Samuel Jacobus Blom, 21 Januarie 1981 - 1988 (medeleraar)
- Pieter Jozua Cloete, 13 Februarie 1981 - 1984
- Jacobus J. Kotze, 14 Maart 1986 - Desember 1991
- Johan Christiaan Stander, 21 April 1985 - 30 Mei 2021
- Sunelle Stander, 11 Februarie 2014 - Januarie 2015 (medeleraar)
- Jorina Redelinghuys, 1 Augustus 2021 -
Bronne
[wysig | wysig bron]- Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.
- Kanselbybel van die gemeente in gesprek met Ds. J.C. Stander
- Small, Mario (samesteller). 2017. Jaarboek van die Nederduitse Gereformeerde Kerke, Tydskriftemaatskappy van die NG Kerk MSW, ISBN 978 0 86487 867 0
Eksterne skakels
[wysig | wysig bron]- Die gemeente se kerkgebou soos te sien op Google Maps.
- Foto's van die kerkgebou op Artefacts.co.za. URL besoek op 20 November 2014.
