NoFap

in Wikipedia, die vrye ensiklopedie
Jump to navigation Jump to search
NoFap
URL NoFap.com
reddit.com/r/NoFap/
Soort webwerf Privaat
Registrasie Opsioneel
Gelanseer 20 Junie 2011 (2011-06-20) (8 jaar oud) (subreddit)[1]
Huidige status Aktief

NoFap is ’n webtuiste en gemeenskapsforum wat dien as steungroep vir mense wat pornografie en masturbasie wil vermy.[2][3] Die naam kom van die internet-slengterm fap, wat verwys na manlike masturbasie.

Stigting[wysig | wysig bron]

NoFap is in Junie 2011 deur Alexander Rhodes gestig nadat ’n plasing op Reddit oor ’n Chinese studie van 2003[4] waarin bevind is mans wat sewe dae lank nie masturbeer nie ondervind ’n toename van 45,7% in testosteroonvlakke, die voorblad van ’n gewilde forum op Reddit gehaal het.[1][5] Alexander Rhodes verskyn in die dokumentêr met die titel Sticky: A (Self) Love Story, wat deur Nicholas Tana geskryf en geregisseer is, en bespreek daarin sy bevindings en sy menings oor masturbasie.[6]

Rhodes het NoFap hierna as ’n "subreddit"-forumgemeenskap op Reddit gestig.[1] NoFap het aanvanklik weeklikse en maandelikse uitdagings aan ’n klein groep mense op die forum gestel en daarna het die administrateurs ’n daaglikse telstelsel daargestel. Nuwe forumlede stel vir hulself persoonlike doelwitte.[1] Die verskynsel word soms in Engels fapstinence genoem.[7][8][9]

NoFap.com[wysig | wysig bron]

Gebruikers op NoFap se subreddit het in twee jaar meer as verdriedubbel en dit het daartoe gelei dat Rhodes ’n off-Reddit-forum by NoFap.com gestig het. Hy het ook ander planne beraam om die webtuiste se groeiende faksies in Brasilië, Duitsland en China beter te kan dien.[10] NoFap.com is ’n forumstyl-webtuiste waar individue wat onderneem het om hulle vir ’n tydperk van pornografie en masturbasie te weerhou, kan gesels oor hul ondervindings en kan deelneem aan uitdagings om hulle te help herstel. NoFap.com is die susterwebtuiste van die NoFap-gemeenskap op Reddit.[11]

Lede[wysig | wysig bron]

Die lede van NoFap wissel van ateïste soos die stigter, Rhodes, tot fundamentalistiese Christene.[1][12][13] Voue behoort ook daartoe.[12] Die lede noem hulself "Fapstronauts."[14][15][5] Sommige selferkende pornoverslaafdes gaan na NoFap vir hulp,[5] terwyl ander aansluit vir die uitdaging om hul lewe en/of interpersoonlike verhoudings te verbeter.[5]

Sommige van die NoFlap-lede beweer nadat hulle ’n ruk lank van pornografie en masturbasie weggebly het, ondervind hulle onder meer "’n drastiese toename in sosiale selfvertroue, energie, konsentrasie, helderheid van verstand, motivering, emosionele stabiliteit, geluk, seksuele vaardigheid en aantrekkingskrag vir die teenoorgestelde geslag.[1][16] Sommige NoFap-gebruikers beweer hul brein het verwronge geraak weens pornografie, ten koste van verhoudings in die regte lewe.[17]

Ander se menings[wysig | wysig bron]

Sommige joernaliste, van wie verskeie aan die programme deelgeneem het, het NoFap gekritiseer.[18][19][20] Die neurowetenskaplike Elizabeth Brown het ook sommige bewerings deur lede van NoFap bevraagteken.[21] Die sielkundige David J. Ley het geskryf: "Ek's nie teen hulle nie, maar ek dink wel hul idees is simplisties en naïef en verteenwoordig ’n hartseer, reduksionistiese en verdraaide siening van manlike seksualiteit en manlikheid".[22]

Gedragskenners het statistieke wat van NoFap verkry is, gebruik om verslawing te bestudeer.[23] Robert Weiss van The Huffington Post beskou NoFap as deel van ’n tegno-teenreaksie.[24] Nog kritiek is dat die onderneming vernederende newe-effekte veroorsaak soos verlengde en/of ongewensde ereksies in mans of ’n oormatige libido.[25]

Aan die positiewe kant het die Duitse gedragsekonoom Alec Sproten van die Universiteit van Heidelberg ’n opname gedoen wat daarop dui dat weerhouding van pornografie die deelnemers meer onbaatsugtig, pligsgetrou en waagmoedig laat voel het.[26]

Verwysings[wysig | wysig bron]

  1. 1,0 1,1 1,2 1,3 1,4 1,5 Jalsevac, John. "130,000+ Reddit users flock to forum founded by atheist to quit pornography, masturbation". Life Site. Besoek op 10 Junie 2015.
  2. Cowell, Tom (17 September 2013). "No fapping, please, it's making us ill". The Telegraph. Londen, Engeland: Telegraph Media Group. Besoek op 22 Mei 2015.
  3. McMahon, Tamsin (20 Januarie 2014). "Will quitting porn improve your life?: A growing 'NoFap' movement of young men are saying no to porn and masturbation". Maclean's. Toronto, Kanada: Rogers Media. Besoek op 22 Mei 2015.
  4. "TIL when men don't masturbate for 7 days their testosterone levels increase by 45.7%. • /r/todayilearned". reddit. bespreek (2003) “A research on the relationship between ejaculation and serum testosterone level in men”. J. Zhejiang Univ. Sci. 4 (2): 236–240. doi:10.1631/jzus.2003.0236.
  5. 5,0 5,1 5,2 5,3 Love, Dylan. "Inside NoFap, The Reddit Community For People Who Want To Be 'Masters Of Their Domain'". Business Insider: Australia. Besoek op 10 June 2015.
  6. http://www.fandango.com/movie-trailer/sticky:aselflovestory-trailer/189754
  7. http://gawker.com/5994669/in-defense-of-masturbation
  8. https://www.independent.co.uk/life-style/love-sex/masturbation-giving-up-effects-life-changes-reddit-nofap-men-say-it-gave-them-superpowers-a7345466.html
  9. http://www.dailypublic.com/articles/05242017/grumpy-ghey-fap-flap
  10. Eck, Ian. "The Men Who Would Not Wank". SanFrancisco Magazine. Besoek op 27 Junie 2015.
  11. Israelsen-Hartley, Sara. "Adolescent addiction: When pornography strikes early". Deseret News. Besoek op 27 Junie 2015.
  12. 12,0 12,1 Blair, Leonardo. "Christians Find Help for Porn, Masturbation Addiction Through 'NoFap' Community Started on Reddit by 24-Y-O Web Developer". HuffPost. Besoek op 10 June 2015.
  13. McMurry, Evan. "9 hilarious ways the religious right tried to eradicate masturbation". salon.com. Besoek op 27 June 2015.
  14. Hall, Lex (26 Desember 2016). "Internet porn abounds but 'no fappers' rise to the occasion". The Australian.
  15. McMahon, Tamsin (20 Januarie 2014). "Will quitting porn improve your life?". Maclean's.
  16. Jackson, Ryan. "15 Benefits of Quitting Pornography". The Former Fat Kid. Besoek op 27 Junie 2015.
  17. Weisman, Carrie. "Has Porn Overwhelmed Our Brains? The "NoFap" Movement Thinks So". AlterNet. Besoek op 27 Junie 2015.
  18. Singal, Jesse. "Why We're Scared of Masturbation". NY Mag. Besoek op 10 Junie 2015.
  19. Barker, John. "The failure of a 'noFap' reboot for porn addicts and why abstaining from PMO is not enough to recover". Sexual Reboot. Besoek op 3 Julie 2015.
  20. Brink, Rebecca. "True Story: I Tried No-Fap And It Sucked (For Me)". The Frisky. Besoek op 10 Junie 2015.
  21. Brown, Elizabeth. "Neuroscientists Challenge Myths About Men and Porn". Reason.com. Besoek op 10 Junie 2015.
  22. Ley, David. "The NoFap Phenomenon". Psychology Today. Besoek op 10 Junie 2015.
  23. Anderson, Kirsten. "GQ Magazine tells men: Quit watching porn before it ruins your sex life". Life Site. Besoek op 10 Junie 2015.
  24. Weiss, Robert. "Is 'No Fap' Movement Start of Tech Backlash?". Huff Post. Besoek op 27 Junie 2015.
  25. Harrison, Alexandra (2014). Nudge, Don't Thrust: The Application of Behavioral Law and Economics to America's Porn Addiction. p. 337.
  26. Wolking, Sebastian (2016): http://www.unicum.de/de/studentenleben/liebe-sex/nofap-die-porno-verweigerer

Eksterne skakels[wysig | wysig bron]