Twitter

in Wikipedia, die vrye ensiklopedie
Spring na: navigasie, soek
Twitter
Twitter logo.svg
Tipe Aandelemaatskappy
Gestig 21 Maart 2006
Hoofkantoor San Francisco, Kalifornië, Verenigde State
Sleutelpersone Omid Kordestani (uitvoerende voorsitter)
Jack Dorsey (hoofuitvoerendebeampte)
Gebied bedien Wêreldwyd, behalwe vir afkeurende lande (2005–hede)
Industrie Internet
Produkte Nuus- en gemeenskapswebwerf
Inkomste Green Arrow Up Darker.svg $2,52 miljard (2016)[1]
Netto inkomste $-456 miljoen (2016)[1]
Werknemers 3 898 (2016)[2]
Dogtermaatskappye Vine
Periscope
Webwerf twitter.com
Die mees gewilde gemeenskapswebwerwe volgens lande: ██ Facebook ██ Twitter ██ VKontakte ██ Qzone ██ Odnoklassniki ██ Facenama ██ geen data nie
Twitter
Twitter.svg
Tipe webblad Sosiale netwerk
Mikrojoernaal
Taal(e) Veeltalig (Engels, Spaans, Koreaans, Japannees, Duits, Frans en Italiaans)
Registrasie Verpligtend
Eienaar Twitter Inc.
Opgerig 15 Julie 2006[3]
Huidige status Aktief
URL twitter.com

Twitter is 'n gratis sosiale netwerk- en mikrojoernaaldiens wat gebruikers in staat stel om boodskappe, bekend as tweets, te versend en te lees. Tweets is teksgebaseerde boodskappe van tot 140 karakters wat op die outeur se profiel gepubliseer word en aan die outeur se subskripsiegehoor, bekend as followers (volgelinge), gestuur word. Die verstekverstelling is dat boodskappe in die openbaar vrygestel word, maar gebruikers kan aflewering beperk tot diegene in hul virtuele vriendekring. Gebruikers kan tweets via die Twitter-webwerf, SMS of ander eksterne toepassings stuur en ontvang. Alhoewel die Twitterdiens op sigself niks kos nie, betaal die gebruiker wel vir toegangskostes soos internet- of SMS-fooie aan haar of sy persoonlike telekommunikasiediensverskaffer.

Die 140-karakterbeperking wat boodskappe op Twitter dra is aanvanklik ingestel sodat boodskappe met SMS-kommunikasie versoenbaar sou wees, en hierdie beperking het tot gevolg gehad dat die snelskrif en internetsleng wat gewoonlik in SMS'e gebruik word, nou ook na die web gebring is. Die 140-karakterbeperking het ook die gebruik van URL-verkortingsdienste soos tinyurl, bit.ly en tr.im, en inhoudsakkommoderingsdienste soos Twitpic en NotePub aangemoedig, omdat hierdie inhoud en teks gewoonlik meer as 140 karakters beslaan.

Sedert dit in 2006 deur Jack Dorsey geskep is, het Twitter wêreldwyd beroemd en gewild geraak. Dit word soms as die "SMS van die internet" beskryf.[4]

Wat ons moet doen, is om aan mense die beste en varsste relevantste inligting moontlik te lewer. Ons dink nie aan Twitter as 'n sosiale netwerk nie, maar as 'n inligtingsnetwerk. Dit vertel mense waaroor hulle omgee soos wat dit in die wêreld gebeur.
Evan Williams[5]

Twitter het hul nuus- en inligtingsnetwerkstrategie in November 2009 beklemtoon deur die vraag wat dit gebruikers vir statuswysigings vra van "What are you doing?" (Afrikaans: Wat doen u?) na "What's happening?" (Afrikaans: Wat gebeur?) te verander.[6][7] Twitter word deur Alexa se webverkeeranalise as een van die vyftig gewildste webwerwe ter wêreld gelys.[8] Alhoewel skattings oor die aantal daaglikse gebruikers van die diens verskil omdat die maatskappy nie die aantal aktiewe rekeninge bekend maak nie, het 'n Compete.com-webjoernaalinskrywing in Februarie 2009 Twitter as die derdegrootste sosiale netwerk aangedui[9] gebaseer op hul beraming van 6 miljoen unieke maandelikse besoekers en 55 miljoen maandelikse besoeke.[9] In Maart 2009 het 'n Nielsen.com-webjoernaal Twitter as die snelgroeiendste webwerf in die Lidmaatskapgemeenskappekategorie vir Februarie 2009 gelys. Twitter het 'n maandelikse groeikoers van 1 382 persent gehad en Zimbio het 240 persent behaal, gevolg deur Facebook met 'n toename van 228 persent.[10]

Verwysings[wysig | wysig bron]

  1. 1,0 1,1 (en) Jeremy Quittner. "Twitter Balance Sheet", Google, 3 Oktober 2013. URL besoek op 19 April 2017.
  2. (en) Twitter Company Info”. Twitter: 2 Februarie 2015. URL besoek op 19 April 2017.
  3. Michael Arrington 15 Julie 2006 (15 Julie 2006). “Odeo Releases Twttr”. Techcrunch.com. URL besoek op 18 September 2010.
  4. D'Monte, Leslie (29 April 2009). “Swine flu's tweet tweet causes online flutter”. Business Standard. URL besoek op 28 Mei 2009.
  5. Evan Williams (21 Oktober 2009). “Web 2.0 Summit 2009: Evan Williams and John Battelle "A Conversation with Evan Williams"”. O'Reilly Media. URL besoek op 1 November 2009.
  6. http://blogs.ft.com/techblog/2009/11/whats-happening-a-lot-says-twitter-coo/
  7. http://blog.twitter.com/2009/11/whats-happening.html
  8. twitter.com - Traffic Details from Alexa”. Alexa Internet: 13 Julie 2009. URL besoek op 13 Julie 2009.
  9. 9,0 9,1 Kazeniac, Andy. "Social Networks: Facebook Takes Over Top Spot, Twitter Climbs", Compete.com, 9 Februarie 2009. URL besoek op 17 Februarie 2009.
  10. McGiboney, Michelle. "Twitter's Tweet Smell of Success", Nielsen, 18 Maart 2009. URL besoek op 5 April 2009.

Eksterne skakels[wysig | wysig bron]

Commons-logo.svg
Wikimedia Commons het media verwant aan: