Nuwe administratiewe hoofstad
Nuwe administratiewe hoofstad العاصمة الإدارية الجديدة | |
|---|---|
  Nuwe administratiewe hoofstad | |
| Koördinate: 30°01′39″N 31°45′54″O / 30.02750°N 31.76500°O | |
| Land |  Egipte |
| Goewerment |  Kaïro |
| Oppervlak | |
| • Stad | 5,6 km2 (2,2 vk. myl) |
| • Stedelik | 714 km2 (276 vk. myl) |
| Tydsone | UTC+2 (EST) |
| Webwerf | acud.eg |
Nuwe administratiewe hoofstad (Arabies: العاصمة الإدارية الجديدة, Al-ʿĀṣima al-ʾIdāriyya al-Jadīda) is die projeknaam vir die oprigting van 'n nuwe hoofstad in Egipte wat sedert 2015 in aanbou is.[1] Dit is deur die destydse Egiptiese minister vir behuising, Mostafa Madbouly, tydens die Konferensie oor ekonomiese ontwikkeling in Egipte op 13 Maart 2015 aangekondig.[2] Die nuwe hoofstad word beskou as een van die programme en projekte vir ekonomiese ontwikkeling, en is deel van 'n groter inisiatief met die naam Egiptiese Visie 2030.[3]
Die nuwe hoofstad van Egipte het nog nie 'n naam nie. 'n Kompetisie is op die nuwe hoofstad se webwerf geloods om 'n nuwe naam en logo vir dié stad te kies. 'n Jurie van spesialiste is saamgestel om die voorstelle wat op die lys ingedien is, te evalueer en om die beste onder al die voorstelle te bepaal.[4][5] Die Egiptiese regering het egter nog geen amptelike uitslae bekend gemaak nie.
Die nuwe stad sal 45 km oos van Kaïro en net buite die Tweede Groter Kaïro-ringweg, in 'n grootliks onontwikkelde gebied halfpad na die hawestad Suez, geleë wees. Volgens die planne word die stad die nuwe administratiewe en finansiële hoofstad van Egipte wat die belangrikste regeringsdepartemente en ministeries, asook buitelandse ambassades huisves. Op 'n totale oppervlakte van 700 km² (270 myl²) sal daar 'n bevolking van sowat 6,5 miljoen wees, hoewel dit na raming tot sewe miljoen sal kan styg.[6][7]
Die belangrikste en amptelike rede vir die begin van die projek is die opeenhoping in Kaïro, wat reeds een van die wêreld se besigste stede is, te verlig, met die verwagting dat die bevolking van Groter Kaïro in die komende dekades sal verdubbel.[8][9] Kaïro, ter vergelyking, het 'n bevolking van sowat 20 miljoen.
Verwysings
[wysig | wysig bron]- ↑ (en) "Egypt Announces Plans to Build New Capital". The New York Times. 13 Maart 2015. Besoek op 3 September 2021.
- ↑ (en) "Egypt plans new capital adjacent to Cairo". Al Jazeera. 14 Maart 2015. Besoek op 14 Maart 2015.
- ↑ (en) "Egypt Vision 2030" (PDF). arabdevelopmentportal.com.
- ↑ (ar) "The New Administrative Capital launches a competition to choose a new name and logo". Youm7.
- ↑ (ar) "العاصمة الإدارية تطلق مسابقة لاختيار اسم وشعار جديد". www.baladnaelyoum.com.
- ↑ (en) "Egypt to build new administrative and business capital". BBC. 13 Maart 2015. Besoek op 3 September 2021.
- ↑ Brian Walker (16 Maart 2015). "Egypt unveils plan to build glitzy new capital". CNN. Besoek op 16 Oktober 2016.
- ↑ (en) "New capital to cut Cairo overcrowding". The National.
- ↑ (en) "So why is Egypt building a new capital city right next to Cairo?". City Metric. 19 Maart 2015. Besoek op 16 Oktober 2016.
Eksterne skakels
[wysig | wysig bron] |
Wikimedia Commons bevat media in verband met Nuwe administratiewe hoofstad. |
- (en) Toerisme-inligting oor Nuwe administratiewe hoofstad op Wikivoyage
- (ar) (en) Amptelike webwerf