Ohm se wet

'n Stroombaan wat V, I en R, die parameters van Ohm se wet, aandui.

Ohm se wet is 'n vergelyking wat die verhouding tussen elektriese stroomsterkte, spanning en weerstand in 'n elektriese stelsel weergee. Dit is geformuleer deur Georg Simon Ohm.

Ohm se wet stel dat die stroom deur 'n weerstand direk eweredig is aan die spanning wat oor 'n weerstand gekoppel word.

Die vergelyking is soos volg:

$I={\frac {V}{R}}$

Waar

• I = stroomsterkte;
• R = weerstand; en
• V = spanningsverskil.

Parallele weerstand

Wanneer weerstande in parallel is, dan werk mens die stroom deur elke been soos volg uit:

Weerstande in parallel.

Die totale stroom is gelyk aan die som van die strome in die bene:

$I=I_{1}+I_{2}$

Omdat die potensiaalverskil oor die twee weerstande dieselfde is, kan mens Ohm se wet gebruik om dit soos volg te skryf:

$I_{1}={\frac {V}{R_{1}}}$            en            $I_{1}={\frac {V}{R_{2}}}$

Indien mens Ohm se wet toepas op die totale weerstandː

$R_{totaal}={\frac {V}{I}}\quad =\quad {\frac {V}{I_{1}+I_{2}}}$

$R_{totaal}={\frac {V}{{\frac {V}{R_{1}}}+{\frac {V}{R_{2}}}}}\quad =\quad {\frac {1}{{\frac {1}{R_{1}}}+{\frac {1}{R_{2}}}}}$

Dusː

${\frac {1}{R_{totaal}}}={\frac {1}{R_{1}}}+{\frac {1}{R_{2}}}$

Sien ook

• Ohmmeter
• Resistor