Omikron

Die Griekse alfabet Α α Alfa Β β Beta Γ γ Gamma Δ δ Delta Ε ε Epsilon Ζ ζ Zeta Η η Eta Θ θ Theta Ι ι Iota Κ κ Kappa Λ λ Lambda Μ μ Mu Ν ν Nu Ξ ξ Ksi Ο ο Omikron Π π Pi Ρ ρ Rho Σ σ ς Sigma Τ τ Tau Υ υ Ypsilon Φ φ Phi Χ χ Chi Ψ ψ Psi Ω ω Omega Letters nie meer in gebruik nie Digamma Koppa Stigma Sampi Heta Sho San

Omikron (/ʊəˈmikron/; hoofletter Ο, kleinletter ο; Grieks: όμικρον) is die vyftiende letter van die Griekse alfabet. Hierdie letter is van die Fenisiese letter ajin afgelei. In Klassieke Grieks het omikron die geronde halfgeslote agterklinker [o] verteenwoordig terwyl omega die geronde halfoop agterklinker [ɔː] en die digraaf ⟨ου⟩ die lang geronde geslote agterklinker [uː] verteenwoordig het. In Moderne Grieks verteenwoordig beide omikron en omega die geronde middelagterklinker [o̞]. Letters wat van omikron afgelei is, sluit in die Romeinse O en Cyrilliese О en Ю. Die naam van die letter was oorspronklik οὖ (oû [ûː]), maar dit is in die Middeleeue na ὂ μικρόν (ò mikrón 'klein o') verander om dit van omega ⟨ω⟩ (wat 'groot o' beteken) te onderskei, aangesien beide letters mettertyd as [o] uitgespreek is. In Moderne Grieks het die naam in όμικρον (ómikron) versmelt. In die Griekse numeriese stelsel het dit 'n waarde van 70.