Orde van die Rosekruis

in Wikipedia, die vrye ensiklopedie
Die tempel van die Rosekruis deur Teophilus Schweighardt Canstantiens, 1618

Die orde van die Rosekruis is 'n hermatiese esoteriese orde wat vir die eerste keer in die 17de eeu gedokumenteer is. Die orde was glo gestig om meer hulp aan humanitêre geestesontwikkeling te bied. Die broeders van die Rosekruis met hulle wortels in westerlike tradisie word glo deur studente van metafisika as 'n belangrike komponent van hermatiese westerlike Alchemie na die uitkoms van Dante se Komedie (1308–1321) beskou. Alhoewel navorsers glo dat die groep 'n oorsprong in Duitse Protestantisme tussen 1607–1616 gehad het, toe 'n geheime tog alomgesirkuleerde pamflet in Europa versprei was genaamd Fama Fraternitatis Rosae Crucis Confessio Fraternitatis. Hierdie pamflet het glo 'n groot invloed oor die tydperk gehad, dat die geskiedkundige Frances Yates, die 17de eeu as die eeu van Rosekruis inspirasie beskryf het.

Oorsprong[wysig | wysig bron]

In die 17de eeu is 3 Rosekruis manuskripte versprei naamlik: Fama Fraternitatis in 1614, Confessio Fraternitatis in 1615 en die Alchemiese troue van Christian Rosenkreutz in 1616. Saam het die manuskripte is die legende van 'n Duitse pelgrim genaamd C.R.C. (later bekend as Christian Rosenkreutz) beskryf. Die derde manuskrip vertel die storie van hoe Christian Rosenkreutz in die ooste onder verskeie okkultiese meesters gestudeer en die orde van die Rosekruis gestig het. Die oorspronklike missie van die orde was om 'n universele reformasie van die mensdom na vore te bring.

Die oorspronklike orde het oor 8 lede beskik en na die dood van Christian Rosenkreutz het die orde verdwyn maar weer in die 17de eeu na vore getree na die sirkulasie van die manuskripte. Die manuskripte was vol simboliese interpretasies en het 'n groot invloed gehad op die Europese denke. Alhoewel die manuskripte nie die geboortejaar van Rosenkreutz aandui nie, het die Confessio Fraternitatis die jaar 1378 beskou as die jaar van die geboorte van ons Christelike vader(Christian Rosenkreutz) en gemeen dat sy afsterwe in 1484 was. Baie aanhangers van die orde het geglo dat die orde in 1407 deur Rosenkreutz gestig was, maar die meeste geleerdes dink vandag dat Christian Rosenkruetz eerder gesien moet word as allegorie eerder as geskiedkundige werklikheid.

Hedendaagse ideologie[wysig | wysig bron]

Danksy die komplekse en subjektiewe idees wat die manuskripte bevat is daar verskillende perspektiewe daaroor by kontemporêre Rosekruisvolgelinge. Sommige aanvaar die legende as geloofwaardig en letterlik, andere sien dit as figuurlik. Volgens die figuurlike interpretasie kan daar vergelykings getrek word tussen Christian Rosenkreuz en Francis Bacon. Vandag is daar verskeie organisasies wat gestig is vir die studie van die Rosekruis idees. Moderne kenners meen egter dat geen van hierdie organisasies hulle direk kan verbind tot die 17de eeuse Orde van die Rosekruis nie.

Moderne organisasies wat hulle direk verbind aan die leringe van die Orde van die Rosekruis is:

Bronne[wysig | wysig bron]

Ontsluit van "https://af.wikipedia.org/w/index.php?title=Orde_van_die_Rosekruis&oldid=2440364"