Orgaan van Weber

in Wikipedia, die vrye ensiklopedie
Swemblaas van 'n vis.
Ernst H. Weber, wat die orgaan eerste beskryf het.

Die orgaan van Weber is 'n anatomiese struktuur wat die swemblaas van sommige visse met die middeloor verbind. Dit bevorder gehoor en kan gebruik word om druk en diepte waar te neem. Die vis se swemblaas verander van vorm soos die waterdruk toe- of afneem. Dit word dan na die sintuigselle in die vis se oor oorgedra.

Al die visse in die superorde Ostariophysi beskik oor 'n orgaan van Weber. Die orgaan is na die Duitse natuurkundige, Ernst Heinrich Weber (1795 – 1878) vernoem.