Oslo-lughawe

in Wikipedia, die vrye ensiklopedie
Spring na: navigasie, soek
Oslo-lughawe
Oslo Lufthavn
Oslo Lufthavn flyfoto.jpg
IATA: OSLICAO: ENGM
Opsomming
Tipe lughawe Openbaar / Militêr
Operateur Oslo Lufthavn AS
Bedien Oslo, Noorweë
Ligging Gardermoen, Ullensaker
Spil vir
  • Norwegian Air Shuttle
  • SAS
  • Widerøe
Hoogte bo seevlak 207,6 m / 681 vt
Koördinate 60°12′08″N 11°05′03″O / 60.20222°N 11.08417°O / 60.20222; 11.08417Koördinate: 60°12′08″N 11°05′03″O / 60.20222°N 11.08417°O / 60.20222; 11.08417
Webtuiste www.osl.no
Aanloopbane
Rigting Lengte Oppervlak
m vt
01L/19R 3 600 11 811 Teer
01R/19L 2 950 9 578 Teer
Statistieke (2013)
Passasiers 22 956 540
Lugbewegings 234 524

Oslo-lughawe (Noors: Oslo Lufthavn; IATA: OSL, ICAO: ENGM, oorspronklik bekend as Lughawe Oslo-Gardermoen) is die grootste lughawe in Noorweë wat sowat 45 km noord van Oslo in Gardermoen, 'n buurt in die munisipaliteit Ullensaker, geleë is. Die lughawe is op 8 Oktober 1998 geopen – een dag nadat Oslo se vroeëre internasionale lughawe, Fornebu in Bærum, sy deure gesluit het. Die lughawe word deur Oslo Lufthavn AS bestuur, met uitsondering van die militêre deel wat deur die Noorse Lugmag (Luftforsvaret) beheer word.

Oslo-lughawe is nie net die belangrikste spilpunt vir internasionale lugverkeer na en vanaf Noorweë nie, maar met 23 miljoen passasiers, wat in 2013 gehanteer is, ook die tweede grootste lughawe in Noord-Europa na Kopenhagen-lughawe. In vergelyking met ander Skandinawiese lughawens het Oslo-lughawe die meeste passasiers op binnelandse vlugte gehanteer (naastenby 10,5 miljoen in 2013), terwyl dit met 12,5 miljoen internasionale passasiers in dié jaar die vierde belangrikste Noord-Europese lughawe ná Kopenhagen, Stockholm-Arlanda en Helsinki-Vantaa was.

Die lughawe dien as spilpunt vir Norwegian Air Shuttle, SAS en Widerøe. Saam met ander lugrederye bied hierdie drie lugdienste vlugte op sowat 30 binnelandse en 110 internasionale roetes. Alhoewel Oslo-lughawe se roetenetwerk tans hoofsaaklik Europese bestemmings insluit, is daar ook regstreekse vlugte na enkele Asiatiese, Noord-Afrikaanse en Noord-Amerikaanse stede aan.

Die lughawe beskik oor twee aanloop- en landingsbane met 'n lengte van respektiewelik 3 600 m en 2 950 m. Om die lughawe se kapasiteit te vergroot, is in 2011 met die bou van 'n nuwe terminaal begin. Die eerste boufase sal na verwagting in 2017 voltooi wees en Oslo-lughawe se kapasiteit tot jaarliks 28 miljoen passasiers vergroot. Ná 'n verdere boufase sal die lughawe vanaf 2020 sowat 35 miljoen passasiers per jaar kan hanteer.[1]

Verwysings[wysig | wysig bron]