Ossia

'n Voorbeeld van 'n Ossia (2de maatstreep)

* Play original (lêerinligting) — speel in blaaier (beta) ** ** Probleme om na lêer te luister? Sien die mediahulp.

Ossia (Italiaans: [osˈsiːa]) is 'n musikale term vir 'n alternatiewe passasie wat gespeel kan word in pleks van die oorspronklike passasie. Die woord ossia kom van die Italiaans vir "alternatiewelik" en was oorspronklik gespel o sia, bedoelende "of is dit".

Ossia-passasies is baie algemeen in opera en solo-klavier werke. Hulle is gewoonlik 'n makliker weergawe van die voorkeurvorm van die passasie, maar in Mili Balakiref se Islamey, byvoorbeeld, het die urteks uitgawe ossia gedeeltes van beide tipes (eenvoudiger en moeiliker). Bel canto vokale musiek gebruik ook gereeld ossia, ook genoem oppure gedeeltes, om 'n meer versierde weergawe van die vokale lyn te illustreer.

Aan die ander kant dui 'n ossia-merk nie altyd op 'n verandering in moeilikheidsgraad nie; die klaviersolomusiek van Franz Liszt is tipies vol alternatiewe passasies, dikwels nie makliker of moeiliker as die res van die stuk nie. Dit weerspieël Liszt se begeerte om sy opsies oop te laat tydens 'n opvoering. Baie van sy ossia gedeeltes is kadense.

'n Ongewone gebruik van ossia word gevind in Alban Berg se Vioolconcerto, waar verskeie ossia-dele vir die solo-viool ingesluit is. Indien die solis kies om hierdie dele te speel, word daar van die konsertmeester vereis om 'n ander ossia te speel (wat deel is van die solo-vioollyn wat verlore gaan ten gunste van die solis se ossia).