Ottoman

in Wikipedia, die vrye ensiklopedie
Jump to navigation Jump to search
Die artikel handel oor die meubelstuk, en moenie met persone van die Ottomaanse Ryk, die Ottomane, verwar word nie.
'n Ottoman in 'n woonkamer

'n Ottoman (meervoud: Ottomans) is 'n tipe opgestopte sofa (rusbank) sonder leuning. Dit kan reghoekige of ovaalvormige ente hê en is as 'n reël gestoffeer (oorgetrek), sodat die hout nie sigbaar is nie.[1]

'n Ottoman kan as 'n stoel, voetbank of selfs 'n koffietafel dien. Dit word algemeen in sit-, slaap-, en gastekamers aangetref. Sommige ottomans is hol binne, sodat goedere daarin gestoor kan word.

Ottomans is in die laat 18de eeu vanaf die Ottomaanse Ryk na Europa ingevoer. Die gebruik van die woord ottoman om na 'n meubelstuk te verwys, het waarskynlik reeds in 1729 in Frans verskyn.[1] Die eerste opgetekende gebruik in Engels word in een van Thomas Jefferson se memorandums uit 1789 aangetref.[2] In die Ottomaanse Ryk is die meubelstuk met kussings oorlaai, en het dit as sentrale sitplek vir die familie gedien.

Verwysings[wysig | wysig bron]

  1. 1,0 1,1 Ottoman”. 1911 Encyclopædia Britannica. URL besoek op 1 Junie 2015.
  2. Oxford English Dictionary, s.v. "ottoman", besoek op 6 Maart 2013.