Oz (TV-reeks)

in Wikipedia, die vrye ensiklopedie
Spring na: navigasie, soek
Oz
Formaat TV-drama
Looptyd sowat 55 min.
Skepper Tom Fontana
Akteurs Kirk Acevedo
Adewale Akinnuoye-Agbaje
Ernie Hudson
Terry Kinney
Rita Moreno
Harold Perrineau
J.K. Simmons
Lee Tergesen
Eamonn Walker
Dean Winters
Land VSA
Netwerk HBO
Geskep 1997
Seisoene 6
Uitvoerende vervaardigers Tom Fontana, Barry Levinson, Jim Finnerty
Webtuiste [1]

Oz is ’n Amerikaanse televisie-dramareeks wat deur Tom Fontana geskep is. Hy was ook die skrywer of medeskrywer van al 56 episodes. Daar was ses seisoene.

Oorsig[wysig]

Oz is die bynaam van die Oswald State Correctional Facility, voorheen die Oswald State Penitentiary, ’n maksimumveiligheid-gevangenis (vlak 4) waarvan die ligging onbekend is. ’n Groot deel van die aksie vind plaas in Emerald City ("Em City"), ’n eksperimentele eenheid van die tronk waar die hoof probeer klem lê op rehabilitasie en die aanleer van verantwoordelikheid. Emerald City is ’n streng beheerde omgewing met ’n beheerde aantal lede van elke sosiale en rassegroep.

Die groot rolverdeling sluit akteurs in soos Eamonn Walker, Rita Moreno, Ernie Hudson, John Lurie, Terry Kinney, Betty Buckley, Kathryn Erbe, Christopher Meloni, Lee Tergesen, B. D. Wong, J. K. Simmons, Dean Winters, Scott William Winters, Kirk Acevedo, Adewale Akinnuoye-Agbaje, Harold Perrineau Jr., Erik King, David Zayas, Lauren Vélez en Edie Falco.

Styl[wysig]

Die verhaal van Oz word hoofsaaklik vertel deur Augustus Hill (Harold Perrineau), ’n voormalige dwelmhandelaar en –verslaafde en veroordeelde moordenaar. Hy is aan ’n rolstoel gekluister en vertel wat die omstandighede van ’n episode is, stel karakters voor of sluit ’n episode af. Wanneer ’n nuwe karakter voorgestel word, vertel hy wat sy omstandighede is, hy verskaf die gevangenenommer en vertel van hul misdaad en hul vonnis. Hill praat direk met die kamera, en dus die kyker. Daar is ook interaksie tussen hom en die ander karakters waarin hy nie met die kamera praat nie.

Oz het gebruik gemaak van die vryhede van Amerikaanse kabeltelevisie om materiaal te wys wat nie vir gewone kykers geskik was nie, byvoorbeeld vloekwoorde, dwelmgebruik, geweld, naaktheid, homoseksualiteit, manlike verkragting sowel as etniese en godsdienstige konflik.

Die reeks het ook op Suid-Afrikaanse TV gewys. Dit is verskeie kere vir Emmys benoem, maar het nooit gewen nie.

Karakters[wysig]

Oz se aanvanklike rolverdeling het bestaan uit 14 akteurs. Die vier hoofkarakters (met die krediet starring) was Ernie Hudson as die tronkbewaarder Leo Glynn, Terry Kinney as Emerald City se hoof, Tim McManus, Harold Perrineau as die gevangene en verteller Augustus Hill en Eamonn Walker as ’n nuwe gevangene en vroom Moslem Kareem Saïd. Ander akteurs (met die krediet "also starring" was: Edie Falco as die korrektiewe beampte Diane Wittlesey, Rita Moreno as die raadgewer suster Peter Marie Reimondo, Kirk Acevedo as die Latynse gevangene Miguel Alvarez, Leon Robinson as Jefferson Keane, J.K. Simmons as Vernon Schillinger, Tony Musante as die Mafialeier Nino Schibetta, Lee Tergesen as Tobias Beecher, Sean Whitesell as die kannibaal Donald Groves, Dean Winters as Ryan O'Reily en B.D. Wong as die tronkkapelaan vader Ray Mukada.

Vanaf seisoen twee het verskeie karakters bygekom, onder andere Lauren Vélez as die tronk se dokter, Gloria Nathan, Kathryn Erbe as die dodesel-gevangene Shirley Bellinger, Luis Guzman as die Latynse bendeleier Raoul "El Cid" Hernandez, Christopher Meloni as Beecher se liefde Chris Keller, Betty Buckley as Ryan O'Reilly se ma en die musiekonderwyseres Suzanne Fitzgerald, Rick Fox as die basketbal-kampioen Jackson Vahue, Luke Perry as die nuwe gevangene en predikant Jeremiah Cloutier en Scott William Winters as Ryan O'Reily se verstandelik gestremde broer, Cyril O'Reily.

Op DVD[wysig]

HBO Home Video het al ses seisoene van Oz op DVD beskikbaar gestel (streek 1 en 2). Dit bevat verskeie spesiale bonusse soos kommentaar en uitgesnyde tonele.

DVD-naam Ep. # Uitgereik
Die volledige eerste seisoen 8 19 Maart 2002
Die volledige tweede seisoen 8 7 Januarie 2003
Die volledige derde seisoen 8 24 Februarie 2004
Die volledige vierde seisoen 16 1 Februarie 2005
Die volledige vyfde seisoen 8 21 Junie 2005
Die volledige sesde seisoen 8 5 September 2006

Verwysings[wysig]

Hierdie artikel is merendeels vertaal vanaf die Engelse Wikipedia-artikel [2]

Verdere leesstof[wysig]

  • Stemple, Lara (2007). “HBO's OZ and the Fight against Prisoner Rape: Chronicles from the Front Line”, Third Wave Feminism and Television: Jane Puts it in a Box. Londen: I.B. Tauris, 166–188. ISBN 1-84511-245-8. 
  • HarperEntertainment (2003). Oz: behind these walls: the journal of Augustus Hill. New York: HarperEntertainment. ISBN 0-06-052133-3. 

Eksterne skakels[wysig]