Palimpses

in Wikipedia, die vrye ensiklopedie
Jump to navigation Jump to search
Die Codex Ephraemi Rescriptus, ’n Griekse manuskrip van die Bybel uit die 5de eeu, is ’n palimpses.

’n Palimpses is die bladsy van ’n manuskrip waarvan die teks afgeskraap of afgewas is sodat die bladsy weer vir ’n ander dokument gebruik kon word.[1] Perkamente is dikwels van diervelle gemaak wat duur en nie geredelik beskikbaar was nie. Om geld te bespaar is dit dus hergebruik deur die vorige teks af te skraap.

Etimologie en voorbeelde[wysig | wysig bron]

Die woord "palimpses" is afgelei van die Latynse woord palimpsestus, wat weer afgelei is van die Griekse παλίμψηστος (palímpsēstos, "weer geskraap"), ’n saamgestelde woord wat letterlik beteken "skoon geskraap om weer te gebruik". Die Antieke Grieke het tablette gebruik wat met was bedek was en het met ’n stilus daarop geskryf. Daarna is die teks uitgevee deur die wasoppervlak glad te maak. Daar kon dan weer daarop geskryf word. Dié praktyk is deur die Romeine en ander volke oorgeneem.

Van die bekendste palimpseste uit die antieke tyd is die Codex Ephraemi Rescriptus, ’n 5de-eeuse Griekse manuskrip van die Bybel,[2] en die Nowgorodse Kodeks, die oudste boek uit die tyd van Kiëf-Roes wat bewaar gebly het – laasgenoemde was gebind as ’n boek met vier bladsye.[3]

Verwysings[wysig | wysig bron]

  1. Lyons, Martyn (2011). Books: A Living History. California: J. Paul Getty Museum. p. 215. ISBN 978-1-60606-083-4. 
  2. Aland, Kurt; Aland, Barbara (1995). The Text of the New Testament: An Introduction to the Critical Editions and to the Theory and Practice of Modern Textual Criticism. Erroll F. Rhodes (vert.). Grand Rapids: William B. Eerdmans Publishing Company. p. 109. ISBN 978-0-8028-4098-1. 
  3. (ru) Boetrin, Dmitri (19 Julie 2015). “Град, в котором читают книги”. Kommersant. URL besoek op 21 Julie 2015.

Eksterne skakels[wysig | wysig bron]