Patrick Hughes (kunstenaar)

in Wikipedia, die vrye ensiklopedie
Jump to navigation Jump to search
Patrick Hughes: Vanishing Venice

Patrick Hughes (* 20 Oktober 1939 in Birmingham, Engeland[1]) is 'n Britse kunstenaar wat hom veral met optiese en visuele illusies, die wetenskap van waarneming en die karakter van kunstenaarsvoorstellings besig hou. Hughes, wat 'n graad by die Graham Day-kollege in Leeds verwerf en vervolgens 'n tyd lank as dosent aan die Leeds-kunskollege werksaam was voordat hy vir 'n loopbaan as kunstenaar gekies het, het baie van sy werke vanuit 'n omgekeerde perspektief (reverspective) geskep - as optiese illusies op 'n driedimensionele oppervlak waarby juis dié dele van 'n beeld, wat fisies die naaste lê, vir die waarnemer lyk asof hulle veraf is.

Die eerste uitstalling van Hughes se werke is in 1961 gereël. Drie jaar later het Sticking-out Room, sy eerste reverspective, ontstaan. Sedert 1970 word sy werke in samewerking met die kunsgalery Angela Flowers Gallery (tans Flowers Gallery) vertoon. Hughes het drie boeke oor die visuele en verbale retoriek van die paradoks en die oksimoron geskryf en saamgestel.

Verwysings[wysig | wysig bron]

Eksterne skakels[wysig | wysig bron]