Paul Guillaume Farges

in Wikipedia, die vrye ensiklopedie
Jump to navigation Jump to search

Vader Paul Guillaume Farges (18441912) was 'n Franse katolieke sendeling, plantkundige en plantversamelaar, wat vir 'n groot gedeelte van sy lewe in (vanaf 1867) in China gebaseer was, en vanaf 1892 tot sy dood in Chongqing bedien het.

Hy het meer as 4000 plantmonsters versamel, insluitend dié van talle spesies wat nuut was tot die wetenskap. Hierdie monsters is aangestuur na die Muséum National d'Histoire naturelle in Parys, waar hulle vernoem en beskryf is deur Adrien René Franchet. Sy naam word herdenk in verskeie plante, waaronder Abies fargesii, Corylus fargesii, Decaisnea fargesii, Salix fargesii, en Torreya fargesii. Die Fargesia-genus van bamboes is na hom vernoem.

Die standaard outeursafkorting Farges word gebruik om hierdie persoon as die skrywer aan te dui wanneer 'n botaniese naam aangehaal word.