PetroSA

PetroSA
Tipe	Staatsmaatskappy
Gestig	1965
Hoofkantoor	151 Frans Conradie Rylaan, Parow, Kaapstad, Wes-Kaap, Suid-Afrika
Sleutelpersone	Bhekabantu Wilfred Ngubane (Tussentydse Voorsitter) Siphamandla Kenneth Mthethwa (Waarnemende hoofuitvoerendebeampte)
Industrie	Petroleumbedryf
Produkte	Ruolie en aardgas
Inkomste	R 18 049 miljard (2015)
Bedryfsinkomste	R 14 551 miljard (2015)
Netto inkomste	R 14 335 miljard (2015)
Werknemers	1 720 (2015)
Webwerf	petrosa.co.za

PetroSA, oftewel die Petroleum, Olie en Gaskorporasie van Suid-Afrika, is 'n staatsbeheerde maatskappy in Suid-Afrika wat in Januarie 2002 gevorm is toe Mossgas, Soekor en dele van die Strategiese Brandstoffonds Assosiasie saamgesmelt het. PetroSA bedryf een van die grootste gas-na-vloeistofaanlegte ter wêreld in Mosselbaai. Die maatskappy beskou hul kernaktiwiteite as:

• Die eksplorasie en produksie van ruolie en aardgas.
• Die deelname in en aankoop van plaaslike sowel as internasionale stroomop petroleumgeleenthede.
• Die produksie van sintetiese brandstowwe, wat vervaardig word uit ondersese gas in wat hulle beskryf as een van die wêreld se grootste kommersiële gas-na-vloeistofaanlegte.
• Die bemarking en verhandeling van olie en petrochemikalieë.
• Die stoor van ru-olie namens die Strategiese Energiefonds.

Van die produkte wat deur die maatskappy geproduseer word sluit petrol, paraffien, diesel, propaan en alkohole in.

Eksterne skakels

• (en) Amptelike webwerf