Piet Badenhorst

in Wikipedia, die vrye ensiklopedie
Jump to navigation Jump to search

Petrus Johannes (Piet) Badenhorst (gebore op 3 Junie 1930 in Maitland en oorlede in Desember 2012 in Somerset-Wes) was 'n Suid-Afrikaanse politikus, lid van die destydse regerende Nasionale Party en lid van die Volksraad vir die kiesafdeling Oudtshoorn (1972-1989). Hy was ook 'n lid van Tweede kabinet van P.W. Botha en dien eers as adjunkminister voordat hy in 1988 Minister van Gesondheid en Volkswelsyn in die Volksraad word. Hy sluit sy openbare loopbaan af as president van die Federasie van Afrikaanse Kultuurvereniginge (FAK).

Biografie[wysig | wysig bron]

As 'n gegradueerde van die Universiteit van Suid-Afrika, teoloog en predikant van die NG Kerk in Wolseley, Sydenham en Calitzdorp, is Piet Badenhorst in 1972 verkies tot parlementslid vir Oudtshoorn. Hy sluit in 1980 aan by die regering van Suid-Afrika as adjunkminister van binnelandse sake en word in 1984 adjunkminister vir grondwetlike ontwikkeling en beplanning. In 1988 word hy bevorder tot Minister van Gesondheid en Volkswelsyn van die Volksraad (verkies deur die blankes van Suid-Afrika).

Hy verlaat die politieke lewe in 1989 en wy hom aan die Federasie van Afrikaanse Kultuurvereniginge.

Privaatlewe[wysig | wysig bron]

Uit sy eerste huwelik is vyf kinders gebore. As wewenaar is hy weer in 1982 met Maretha van Heerden getroud.

Bronne[wysig | wysig bron]