Plymouth, Massachusetts

in Wikipedia, die vrye ensiklopedie
Hierdie artikel handel oor die stad in die Verenigde State van Amerika. Vir die Britse stad, sien Plymouth.
Plymouth
Vlag van Plymouth
Vlag
Wapen van Plymouth
Wapen
Ligging in Plymouth County, Mass.
Ligging in Plymouth County, Mass.
Ligging in Plymouth County, Mass.
Ligging van Massachusetts in die VSA
Land Vlag van Verenigde State van Amerika Verenigde State van Amerika
Staat Massachusetts
Distrik Plymouth
Stigting
Inkorporasie
1620
1620
Regering
 - Stadsbestuurder
Melissa Arrighi
Oppervlakte
 - Totaal 347,0 km² (134 myl²)
Bevolking (2009)
 - Totaal 58 681
 - Digtheid 234,9/km² (608,4/myl²)
ZIP code 02360
02361
02362
02345
02381
Areakode(s) 508/774
Webwerf: www.plymouth-ma.gov

Plymouth (historiese spellings Plimouth en Plimoth) is 'n stad in die Plymouth-distrik van die deelstaat Massachusetts, VSA, sowat 64 kilometer suid van Boston. Met 'n bevolking van 58 681[1] in 2009 en 'n oppervlakte van 347 vk kilometer (waarvan 249,8 vk km land) is Plymouth die grootste munisipaliteit in Massachusetts.

Plymouth is naas Brockton een van die twee administratiewe setels van die Plymouth-distrik. Die stad is vernoem na Plymouth in Devon, Engeland en staan vandag veral as die landingsplek van die Britse skip Mayflower en die Pelgrimvaders wat hier in 1620 voet aan wal gesit het om 'n nedersetting te stig waar hulle hul geloof sonder inmenging van die staat se kant af kon beoefen. Plymouth is die oudste munisipaliteit in Nieu-Engeland en een van die oudste in die Verenigde State. Dit is daarnaas ook die oudste oorspronklik Britse nedersetting wat vanaf sy stigting tot vandag toe permanent bewoon was.

Plymouth word met 'n aantal bekende historiese gebeurtenisse vereenselwig, soos byvoorbeeld een van die eerste Oesdankfeeste (Thanksgiving), en het vanaf sy stigting in 1620 tot en met 1691, die jaar van sy ontbinding, as die hoofstad van die Plymouth-kolonie gedien.

Plymouth is in 'n gebied geleë wat as South Shore bekend staan en het in die 19de eeu tot 'n beduidende sentrum van die toumakerbedryf, vissery en skeepsbou ontwikkel. Die wêreld se grootste toumaker-maatskappy, die Plymouth Cordage Company, het vroeër sy hoofkwartier in Plymouth gehad. Terwyl Plymouth nog steeds 'n besige seehawe is, het toerisme intussen die hoofbron van inkomste geword.

Verwysings[wysig | wysig bron]