Prinses Louise, Hertogin van Argyll

in Wikipedia, die vrye ensiklopedie
Prinses Louise
Die Hertogin van Argyll

Volle naam Louise Caroline Alberta
Eggenoot John Campbell, 9de Hertog van Argyll
Titels HKH prinses Louise, die Hertogin van Argyll
HKH prinses Louise, Markiesin van Lorne
HKH prinses Louise
Huis Sakse-Koburg en Gotha
Vader Albert van Sakse-Koburg en Gotha
Moeder Victoria van die Verenigde Koninkryk
Gebore 18 Maart 1848; Buckingham-paleis, Londen
Oorlede 3 Desember 1939; Buckingham-paleis, Londen

Prinses Louise (Louise Caroline Alberta, ook bekend as die Markiesin van Lorne en die Hertogin van Argyll deur haar huwelik; 18 Maart 1848 – 3 Desember 1939) was die vierde dogter en sesde kind van koningin Victoria van die Verenigde Koninkryk en Albert van Sakse-Koburg en Gotha.

Louise was ’n goeie kunstenaar en beeldhouer en verskeie van haar beeldhouwerke het behou gebly. Sy was ook ’n ondersteuner van feminisme: Sy het met Josephine Butler gekorrespondeer en Elizabeth Garrett besoek. Albei was bekende feministe.

As ongetroude dogter van haar ma was Louise tussen 1866 en 1871 ’n nie-amptelike sekretaresse vir Victoria. Ondanks teenkanting van lede van die koninklike familie het Louise verlief geraak op John, die Markies van Lorne, die erfgenaam van die Hertog van Argyll. Hulle is op 21 Maart 1871 getroud. Ondanks ’n gelukkige begin het die egpaar verwyder geraak, waarskynlik weens die feit dat hulle nie kinders gehad het nie en die koningin se beperking op hul bedrywighede.[1]

In 1878 is Lorne aangestel as goewerneur-generaal van Kanada, maar Louise was ongelukkig in dié land vanweë ’n verlange huis toe en omdat sy nie van Ottawa gehou het nie.[1] Ná koningin Victoria se dood op 22 Januarie 1901 het sy die sosiale kringe betree van haar broer, die nuwe koning, Edward VII. Louise se huwelik het gehou danksy lang tydperke van skeiding, maar die egpaar het in 1911 versoen geraak en sy is swaar getref deur die dood van haar man in 1914. Sy is op 3 Desember 1939 op 91-jarige leeftyd in Kensington-paleis dood.

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Princess Louise, Duchess of Argyll
  1. 1,0 1,1 Stocker, Mark. "Princess Louise, Duchess of Argyll". Besoek op 23 Januarie 2008.
  • Benson, E. F. Queen Victoria's Daughters (Appleton & Company, 1938)
  • Blake McDougall Edmonton, D. Princess Louise Caroline Alberta (Wetgewende Vergadering van Alberta, 1988) URL besoek op 24 Jan 2008
  • Buckle, George Earle, Letters of Queen Victoria 1862–1878 (John Murray, Londen, 1926)
  • Chomet, Seweryn, Helena: A princess reclaimed (Begell House, New York, 1999) ISBN 1-56700-145-9
  • Longford, Elizabeth, Darling Loosy: Letters to Princess Louise 1856 to 1939 (Weidenfeld & Nicolson, Londen, 1991) ISBN 0-297-81179-7
  • Lutyens, Mary, Lady Lytton's Diary (Rupert Hart-Davies, Londen, 1961)
  • Wake, Jehanne, Princess Louise: Queen Victoria's unconventional daughter (Collins, London, 1988) ISBN 0-00-217076-0