Rasionale getal

in Wikipedia, die vrye ensiklopedie
Spring na: navigasie, soek

In wiskunde is 'n rasionale getal 'n getal wat uitgedruk kan word as 'n verhouding van twee heelgetalle. Rasionale getalle wat nie heelgetalle is nie (gewoonlik breuke genoem) word gewoonlik geskryf as die gewone breuk a/b waar b ongelyk is aan nul. a word die teller genoem en b die noemer genoem.

Kwarte

Elke rasionale getal kan op 'n oneindige aantal maniere uitgedruk word, soos 3/6=2/4=1/2 maar is in sy vereenvoudigde vorm wanneer a en b geen gemene deler behalwe 1 het nie. Elke nie-nul rasionale getal het presies een vereenvoudigde vorm van dié aard met 'n positiewe noemer. 'n Breuk in hierdie vereenvoudigde vorm word 'n gereduseerde breuk genoem.

Die desimale uitbreiding van 'n rasionale getal is uiteindelik periodies. (In die geval van 'n eindige uitbreiding, vorm die nulle wat implisiet volg die periodiese gedeelte.)

'n Reële getal wat nie 'n rasionale getal is nie word 'n irrasionale getal genoem.

Eksterne skakels[wysig]

Bronne[wysig]

  • James, G. en James, R.C. (1960) "Rational Number" In: Mathematics Dictionary. Princeton, New Jersey : Van Nostrand. bl. 324