Rekenaarlêerstelsel

in Wikipedia, die vrye ensiklopedie
Spring na: navigasie, soek

'n Rekenaarlêerstelsel is 'n stelsel op 'n rekenaar wat die berg en lees van data beheer. Sonder 'n lêerstelsel sou inligting wat op 'n medium gestoor is bloot 'n groot liggaam data wees met geen manier om te bepaal waar dele van die inligting begin en eindig nie. 'n Rekenaarlêerstelsel verdeel data in stukke en gee aan elke stuk 'n naam sodat dit gerieflik geïsoleer en geïdentifiseer kan word. Data word in rekenaarlêers gegroepeer, nes inligting wat op papier geskryf is in fisiese lêers gegroepeer word.

Etimologie[wysig | wysig bron]

Vóór rekenaars is die term lêerstelsel gebruik in verband met die berg en opspoor van papierdokumente.[1] Teen 1961 is die term reeds benewens die oorspronklike betekenis ook gebruik om na gerekenariseerde liasering te verwys.[2] Teen 1964 was die gebruik van die begrip in die konteks van rekenaars algemeen.[3]

Verwysings[wysig | wysig bron]

  1. (1922) Office Practice and Business Procedure. Gregg Publishing Company. p. 197. Besoek op 1 Augustus 2016. 
  2. (1961) Technical investigations of addition of a hardcopy output to the elements of a mechanized library system : final report, 20 Sept. 1961. Cincinnati, OH: Svco Corporation. Besoek op 1 Augustus 2016. 
  3. (1964) Disc File Applications: Reports Presented at the Nation's First Disc File Symposium. American Data Processing. Besoek op 1 Augustus 2016.