Rente
Amerikaanse rente vanaf Julie 1954 tot einde 2009.
Rente is die prys wat 'n lener aan 'n uitlener betaal vir die gebruik van 'n bate, wat die kapitaal genoem word. Enkelvoudige rente is wanneer slegs die kapitaalbedrag rente verdien, m.a.w. rente wat reeds verdien is, verdien nie ook rente nie. K rand belê teen 'n enkelvoudige rentekoers van i per jaar word K(1 + in) rand teen die einde van n jaar. In die praktyk is enkelvoudige rente egter 'n rare verskynsel. Saamgestelde rente is die geval waar rente reeds verdien, verdere rente verdien. K rand belê teen 'n saamgestelde rentekoers van i per jaar word ná een jaar K(1 + i), ná twee jaar K(1 + i) plus rente op K(1 + i), m.a.w. K(1 + i) + iK(1 + i) = K(1 + i)2, ná drie jaar word dit K(1 + i)3, en ná n jaar word dit K(1 + i)n.
