Rockingham

in Wikipedia, die vrye ensiklopedie
Spring na: navigasie, soek
Rockingham
Die Mangles Bay in Rockingham
Die Mangles Bay in Rockingham
Ligging van Rockingham op 'n kaart (Australië)
Rockingham
Rockingham
Koördinate: 32°16′52″S 115°43′37″O
Administrasie
Staat Vlag van Australië Australië
Deelstaat Flag of Western Australia.svg Wes-Australië
Stigting 1847
Oppervlak
 - Stad 14,7 km²  (5,7 vk m)
Bevolking (2006)
 - Stad 12 966
 - Digtheid 882/km² (2 274,7/vk m)
Tydsone AWST (UTC+8)

Rockingham is 'n woonbuurt en streekskern suidwes van Perth se stadsentrum en suid van Fremantle. Daar is 'n strand by Mangles Bay aan die mees suidelike deel van Cockburn Sound wat plaaslik as die Rockingham foreshore bekend staan. Aan die noorde daarvan is die seevaart- en hulpbronnywerheidsbuurte van Kwinana en Henderson. Nie ver van die kus af nie is Australië se grootste vloot- en duikbootbasis by Garden-eiland wat vanaf die woonbuurt af met 'n pad verbind is. Na die weste en suide word die Shoalwater Island Marine Park aangetref.

Geskiedenis[wysig]

Die Rockingham Foreshore met voorsiening vir fiets en voetgangerpaadjies, piekniek en gasbraai geriewe asook winkels en restourante

Rockingham is in 1847 opgemeet en is as 'n dorp geproklameer in 1897. In sy vroeëre bestaansjare was Rockingham 'n besige hawe wat jarrah en sandalwood uitgevoer het. Die stad is nou 'n satellietstad van Perth se suidelike korridor en saam met Mandurah is dit een van Australië se vinnigste groeiende distrikte. Die seevaart tradisie is versterk deur die groei van die Australiese vlootbasis, HMAS Stirling, en die ontwikkeling van groot skeepsbou en seevaart ondersteuningsdienste by die nabygeleë Henderson.

Sedert die negentiende eeu is die gebied gewild onder toeriste vir besienswaardighede en ander ontspanningsaktiwiteite. Besoekers kan klein bote hiervandaan loods of veerbootritte onderneem om dolfyne, robbe, pelikane en pikkewyne in die aangrensende Shoalwater Island Marine Park te gaan besigting. Die kus naby Safety Bay is ideaal vir windplank en vlieërplankry. Daar is maklik toeganklike gratis braai en piekniek fasiliteite op die strand wat die wye keuse hotelle en restourante aanvul. Rockingham City Winkelsentrum[1] is die middelpunt wat 'n betekenisvolle hoeveelheid besigheid buite die plaaslike gebied lok aangesien dit 'n lisensie het om op Sondae sake te bedryf tydens openbare en skoolvakansies.

Catalpa gedenkteken[wysig]

Die 'wildegans' gedenkteken

Op 9 September 2005 is 'n gedenkteken onthul by Rockingham strand om die Catalpa redding, 'n beroemde ontsnapping van ses Ierse gevangenisse vanuit Fremantle se gevangenis op 17-18 April 1876. Nadat die ontsnaptes vanaf Fremantle met 'n perdekar gereis het, het hulle vanaf Rockingham strand uitgeroei na die Catalpa, 'n Amerikaanse walvisjagter. Die gedenkteken is 'n standbeeld wat ses wilde ganse in vlug uitbeeld en is ontwerp deur 'n Iers-Australiese Burger van Perth, die ontslape Francis Conlan, wie se naam ook op die gedenkteken uitgebeeld word.

Verwysings[wysig]

  1. Rockingham City Shopping Centre website”. 2007. URL besoek op 2007-06-08.

Eksterne skakels[wysig]