Roger Hawkins
Roger Hawkins is 'n Zimbabwiese regisseur en filmvervaardiger wat veral bekend is vir films soos The Legend of the Sky Kingdom (2003), The Silent Fall (2006) en The Lion of Judah (2009).[1]
Vroeë lewe en loopbaan[wysig | wysig bron]
Hawkins, gebore en getoë in Harare, Zimbabwe, het 'n BSc-graad in landbou aan die Universiteit van Natal behaal.[2] Nadat hy sy BSc behaal het, word hy 'n skoolonderwyser, advertensiekopieskrywer, insekbestryder, grondmeter, navorsingsassistent, sitkamerpianis en landskaptuinier.[2] Hawkins bedank in 1993 as wiskunde-onderwyser om 'n loopbaan in die uitvoerende kunste te volg. Hy het 'n musiekblyspel geproduseer wat hy geskryf en geregisseer het, genaamd The Singer.[1] Na die sukses van The Singer, vervaardig Hawkins die TV-reeks Adventure Unlimited en die televisiefilm Choose Freedom.[2] Hy studeer regie aan die onafhanklike filmskool Raindance Film Festival.[2] Hawkins het die TV-film Dr Juju van 60 minute lank geregisseer, wat binne ses dae geskiet is.[2]
In 2003 stel Hawkins sy geanimeerde rolprent The Legend of the Sky Kingdom vrygestel.[3] Dit is in Harare gemaak en was 'n pionier in die tegniek genaamd junkmation.[3] Die rolprent is gekies onder die top vyf van 1 300 inskrywings tydens die World Animation Festival in Frankryk.[3] Hawkins het saam met vyftien mense gewerk en vier jaar lank die film gemaak.[3] Die karakters en stelle in die film is gemaak van weggegooide items soos motoronderdele, gereedskap, kombuisgereedskap, pype en stukke hout.[3]
Geselekteerde filmografie[wysig | wysig bron]
- The Legend of the Sky Kingdom (2003)
- The Silent Fall (2006)
- Chose Freedom
- Dr Juju
- The Lion of Judah (2009)
Verwysings[wysig | wysig bron]
- ↑ 1,0 1,1 "Roger Hawkins – Biography". African Films Festival. Besoek op 2 November 2019.
- ↑ 2,0 2,1 2,2 2,3 2,4 "Roger Hawkins – Biography". Moz'Art. Besoek op 2 November 2019.
- ↑ 3,0 3,1 3,2 3,3 3,4 Steve Vickers (22 September 2003). "Junk earns Zimbabwe film kudos". BBC News. Besoek op 2 November 2019.