Gaan na inhoud

Roseacres-hospitaal

in Wikipedia, die vrye ensiklopedie
X-straal van 'n persoon wat aan tuberkulose ly, wat die oorspronklike rede vir die stigting van die Roseacres-hospitaal was.

Die Roseacres-hospitaal of te wel Life Roseacres-hospitaal is ’n privaathospitaal geleë in die voorstad Primrose, in die oostelike gedeelte van Johannesburg, Suid-Afrika. Dit is 'n lid van die Life Healthcare Group, een van die grootste private hospitaalgroepe in Suid-Afrika, wat meer as 60 akute fasiliteite regoor die land bedryf. Dit het 128 beddens en 4 teaters en sluit 'n radiologiefasiliteit in, met 'n reeks diagnostiese toerusting, insluitend CT-skandeerder, algemene x-strale, mammografie, fluoroskopie, intervensionele prosedures, ultraklank, Doppler en Panorex ('n skanderende tandheelkundige X-straal). Dit het ook 'n 6-bed algemene intensiewe sorgeenheid, 'n 8-bed hoësorgeenheid, en 'n wondkliniek.[1] Die 'n 15-bed kraameenheid is in 2017 opgeknap.[2]

Dienste[wysig | wysig bron]

Roseacres-hospitaal bied 'n omvattende lys van mediese dienste aan. Gedurende die inperkingstydperk van die COVID-pandemie het die hospitaal voortgegaan om sy dienste aan te bied.[3] Die dienste sluit in:

  • Oor-neus-keel chirurgie
  • Algemene chirurgie
  • Verloskunde en ginekologie
  • Interne medisyne
  • Onkologie
  • Oftalmiese chirurgie
  • Ortopediese chirurgie
  • Pediatrie
  • Patologie
  • Plastiese en rekonstruktiewe chirurgie
  • Kaak- en mondchirurgie
  • Rumatologie
  • Psigiatrie
  • Radiologie
  • Urologie

Geskiedenis[wysig | wysig bron]

Roseacres-hospitaal het begin as 'n hospitaal vir mynwerkers wat aan tuberkulose ly, en is in 'n psigiatriese eenheid omskep voordat dit die algemene hospitaal vir die gebied geword het. Die hospitaal het in 1976 na nuwe fasiliteite op Main Reef-weg naby die Primrose-begraafplaas in Simmerfield verskuif. Hulle het hierdie perseel tot 2003 beset. Veiligheidskwessies het gelei tot die verskuiwing van die hospitaal na 'n nuwe gebou, sy huidige ligging, wat teen 'n koste van R30 miljoen gebou is.[4]

Omstredenheid[wysig | wysig bron]

Tweelinge wat in November 2019 gebore is, is ’n maand later dood aan ’n karbapenem-weerstandige Enterobacteriaceae-infeksie wat die ouers glo hulle by Life Roseacres-hospitaal opgedoen het. Die situasie is ingewikkeld deurdat die babas na die Netcare Clinton-hospitaal oorgeplaas is nadat hulle siek was maar voordat die KWE-infeksie bevestig is.[5]

Hierdie tipe virus het in Januarie 2020 die lewens van 10 babas by die Tembisa-hospitaal geëis.[5]

Verwysings[wysig | wysig bron]

  1. "Roseacres Hospital (Life Health) in Primrose, Germiston, Gauteng – SA Private Hospitals". SA Private Hospitals – South Africa (in Engels). 18 Mei 2017. Besoek op 19 April 2022.
  2. Hodgson, Leigh (17 Oktober 2017). "Roseacres' exciting new chapter". Germiston City News (in Engels). Besoek op 19 April 2022.
  3. "Hospital still ready to serve the community". Germiston City News (in Engels). 30 Junie 2020. Besoek op 19 April 2022.
  4. "East Rand clinic gets a new home". Engineering News (in Engels). 14 Februarie 2003. Besoek op 19 April 2022.
  5. 5,0 5,1 Masilela, Penelope (6 Februarie 2020). "Twins die due to CRE infection". Benoni City Times (in Engels). Besoek op 19 April 2022.

Eksterne skakels[wysig | wysig bron]