Ruimtemag

in Wikipedia, die vrye ensiklopedie
Jump to navigation Jump to search
Seël van die Amerikaanse Ruimtemag, wat in 2020 die enigste onafhanklike ruimtemag is.

'n Ruimtemag is 'n militêre tak wat oorlog in die ruimte voer en ruimtebedrywighede uitvoer.

In 2020 is die enigste land met 'n onafhanklike ruimtemag die Verenigde State, wat die Ruimtemag van die Verenigde State in Desember 2019 van stapel gestuur het. Rusland had voorheen die onafhanklike diensarea die Russiese Ruimtemagte, maar dit is sedertdien in 'n subtak van die Russiese Lugvaartmagte opgeneem.

Geskiedenis[wysig | wysig bron]

Embleem van die Russiese Ruimtemagte, wat van 1992 tot 1997 en van 2001 tot 2011 'n onafhanklike diensarea van die weermag was.

In 1992 word die Russiese Ruimtemagte as 'n onafhanklike diensarea (maar nie 'n militêre tak nie) binne die Russiese Gewapende Magte gevestig. In 1997 word dit met die Strategiese Missielmagte versmelt, maar hierdie besluit plaas die militêre hemelruim in 'n benadeelde posisie, en in 2001 word dit as 'n onafhanklike diensarea heringestel.[1][2] In 2011 word dit die kern van die Russiese Lugvaartweermagte, wat Rusland se ruimte- en lugweermagte in een diens saamgesmelt het.[3] In 2015 word die Russiese Lugmag en die Russiese Lugvaartweermagte saamgevoeg om die Russiese Lugvaartmagte te vorm, wat die Russiese Ruimtemagte as een van sy drie subtakke hervestig het, hoewel dit nie meer 'n onafhanklike entiteit is nie. [4]

Militêre ruimtelike ontwikkeling binne die Verenigde State begin in 1945 met die Leërlugmagte, en die meeste van sy ruimtemagte is binne die Lugmag van die Verenigde State georganiseer, wat in 1962 die uitvoerende agent vir die ruimte geword het. In 1982 skep die Lugmag die Ruimtebevel van die Lugmag, wat alle ruimtemagte van die Lugmag in een bevel saamgesmelt het. Die Leër van die Verenigde State en die Vloot van die Verenigde State besit albei aansienlik kleiner hoeveelhede ruimtebates wat in die Ruimte- en Missielverdedigingsbevel en die Tiende Vloot gesentraliseer is.[5] Die operasionele bevel van ruimtelike bedrywighede is binne die Ruimtebevel van die Verenigde State gesentraliseer, wat voorheen van 1985 tot 2002 bestaan het en in Augustus 2019 heringestel is.[6] In Desember 2019 magtig die Amerikaanse Kongres die skepping van die Amerikaanse Ruimtemag, wat op 20 Desember 2019 amptelik gestig word. Hierdie nuwe diensvertakking is geskep deur die Ruimtebevel van die Lugmag as die Ruimtemag van die Verenigde State te herontwerp en dit tot 'n onafhanklike diensvertakking op te hef.[7][8][9]

Lys van ruimtemagte[wysig | wysig bron]

Verwysings[wysig | wysig bron]

  1. Russian Public TV (ORT), Moscow, in Russian 1700 gmt March 28, 2001, via BBC Summary of World Broadcasts
  2. "Russian Space Forces (VKS)". www.globalsecurity.org (in Engels). Geargiveer vanaf die oorspronklike op 24 April 2020.
  3. "Sputnik International - Breaking News & Analysis - Radio, Photos, Videos, Infographics". sputniknews.com (in Engels). Geargiveer vanaf die oorspronklike op 2 Julie 2020.
  4. Bodner, Matthew (22 June 2018). "As Trump pushes for separate space force, Russia moves fast the other way".
  5. "A History of US National Security Space Management and Organization" (in Engels). Geargiveer vanaf die oorspronklike op 11 Oktober 2019.
  6. "Department of Defense Establishes U.S. Space Command". U.S. DEPARTMENT OF DEFENSE (in Engels). Geargiveer vanaf die oorspronklike op 25 Junie 2020.
  7. "Senate passes massive defence bill that creates US Space Force | USA News" (in Engels). Al Jazeera. 17 Desember 2019. Geargiveer vanaf die oorspronklike op 4 Julie 2020. Besoek op 1 Januarie 2020.
  8. Hitchens, Theresa. "16,000 AFSPC Head To Space Force; What About The Rest?" (in Engels). Geargiveer vanaf die oorspronklike op 19 Junie 2020.
  9. "U.S Space Force Facebook Page" (in Engels). Geargiveer vanaf die oorspronklike op 1 Junie 2020. Besoek op 20 Desember 2019.