Russiese anneksasie van Suid- en Oos-Oekraïne

in Wikipedia, die vrye ensiklopedie
'n Kaart wat die Oekraïense oblaste in oranje wys, met 'n rooi lyn wat gebiede aandui wat deur Rusland beheer word.

Op 30 September 2022 het die Russiese Federasie toetredingsverdrae onderteken om die anneksasie van die gedeeltelik besette Oekraïense oblaste Loehansk (Volksrepubliek Loehansk), Donetsk (Volksrepubliek Donetsk), Zaporizjzja en Cherson te begin. Gesamentlik maak hierdie vier streke ongeveer 15% van Oekraïne se grondgebied uit. Rusland beheer nie enige van die vier streke, waar militêre vyandelikhede voortduur, ten volle nie en 'n groot deel van die bevolking het sedert die begin van die Russiese inval van 2022 in Oekraïne gevlug[1]

Die anneksasie is in Moskou geformaliseer tydens 'n amptelike seremonie in die teenwoordigheid van die Russies geïnstalleerde hoofde van die vier streke (Leonid Pasetsjnik, Denis Poesjilin, Jewgeni Balitski en Wladimir Saldo) en die Russiese president, Wladimir Poetin. Oekraïne, die Europese Unie en die Verenigde Nasies het almal verklaar dat die anneksasieseremonie geen regstatus geniet nie.[2]

Die anneksasie het plaasgevind ná referendums wat deur die Verenigde Nasies veroordeel is, georganiseer deur Russies gesteunde owerhede in die vier streke. Die anneksasie is wyd veroordeel en word steeds nie deur die internasionale gemeenskap erken nie.[3]

Die anneksasie het 'n landbrug geskep tussen die Russiese vasteland en die Krim, wat Rusland in 2014 geannekseer het.[4]

Verwysings[wysig | wysig bron]

  1. Walker, Shaun (23 September 2022). "'Referendums' on joining Russia under way in occupied Ukraine". the Guardian. Besoek op 24 September 2022.
  2. Trevelyan, Mark; Trevelyan, Mark (30 September 2022). "Putin declares annexation of Ukrainian lands in Kremlin ceremony". Reuters (in Engels). Besoek op 30 September 2022.
  3. "So-called referenda in Russian-controlled Ukraine 'cannot be regarded as legal': UN political affairs chief". UN News. 27 September 2022. Besoek op 29 September 2022.
  4. Chernova, Ann M. Simmons and Yuliya (30 September 2022). "Russia Announces Annexation of Four Regions of Ukraine". Wall Street Journal (in Engels (VSA)). ISSN 0099-9660. Besoek op 30 September 2022.