Donetsk-oblast (Oekraïens: Доне́цька о́бласть, Russies: Доне́цкая о́бласть) is 'n oblast (of gebied) in oostelike Oekraïne. Die hoofstad en grootste van die oblast is Donetsk. Met ongeveer 4,3 miljoen inwoners is die oblast grootste ten opsigte van sy bevolking in die land. Tot 1961 het die oblast as die Stalino-oblast (Сталино) bekend gestaan, vernoem na Josef Stalin. Alhoewel Oekraïens die enige amptelike taal in die oblast is, word Russies sedert 2012 as 'streektaal' erken.[1]