S-400

S-400

Die S-400 Triomf (Russies: C-400 «Триумф»); is 'n nuwe generasie lugafweer / anti-missiel wapenstelsel wat ontwikkel is deur die Almaz Sentrale Ontwerp Bureau, met die doel om as opgradering van die S-300-stelsel te dien. Die NAVO-naam is SA-21 Growler, die GRAU-identifikasie is 48N6DM. Voorheen was die S-400 bekend as die S-300PMU-3. Dit is 'n grootliks verbeterde S-300 stelsel, en dermate dat dit die Amerikaanse MIM-104 Patriot oorskadu.

Die S-400 kan vliegtuie, ballistiese missiele, kruismissiele opspoor en vanaf 'n lang afstand onderskep en vernietig. Dit het die vermoë om vliegtuie met 'n klein radarspoor te identifiseer en te onderskep.

Ontwikkeling

Die S-400 ontwikkeling begin aan die einde van die jare 1990's. Die stelsel is formeel in Januarie 1999 aan die publiek bekend gestel. Die eerste toetsonderskepping het by Kapustin Yar in die Astrakhan-streek van Rusland plaasgevind. Die toetse het heeltemal vlot verloop, waarna die gesagvoerders die stelsel in 2001 by die Russiese lugmag operasioneel verklaar het.

Kenmerke

• Die S-400 is ontwerp om vlieënde teikens te vernietig, maksimaal 400km vanaf die lanseerder. Dit is twee keer die reikafstand van die Amerikaanse MIM-104 Patriot anti-missielstelsel.
• Sy ABM vermoë is wat maksimaal deur die Anti-ballistiese Missiel Verdrag toegestaan word.
• Daar word beplan on die radar opsporing in die toekoms te vergroot na 500 - 600km.

Eksterne skakels

• www.almaz-antey.ru
• Die eerste S-400 missiel regiment word in Rusland operasioneel