Sagtevrugte

in Wikipedia, die vrye ensiklopedie
Jump to navigation Jump to search

Sagtevrugte sluit appels, pere, appelkose, perskes, nektariens, pruime en pruimedante, kersies, tafeldruiwe en gedroogde druiwe in, aldus die Suid-Afrikaanse sagtevrugtebedryfliggaam Hortgro.

Sagtevrugte kom voor in die beskutte valleie van die Wes-Kaap, in die Oos-Vrystaat, Limpopo, Noord-Kaap, Mpumalanga en Gauteng. In 2017 was daar 2 231 vrugteboere in die Suid-Afrikaanse sagtevrugtebedryf en hulle benut 79 912 hektaar. Die land is onder die top-10 lande wat betref die produksie van pere en onder die top-20 vir die produksie van van appels, appelkose, perskes, nektariens en pruime in die wêreld.

Die verbouing van sagtevrugte is gekoppel aan die seisoene en boere sorg dat die vrugteboorde versorg en die beproeiingstelsels goed beplan word. Die bome moet in die winter gesnoei word en goeie snoeipraktyke lei tot beter gehalte vrugte. 

Soorte:

  • Appels en pere staan bekend as kernvrugte.
  • Pruim, perskes, appelkose en nektariens staan bekend as steenvrugte. Hulle word meestal gebruik vir die inmaak- en droogmark.
  • Druiwe

Bibliografie[wysig | wysig bron]

  • Die Burger, 12 Oktober 2018.