Sakeplan

in Wikipedia, die vrye ensiklopedie
Spring na: navigasie, soek

'n Sakeplan of ondernemingsplan is die bloudruk van 'n onderneming en dit funskioneer soos 'n "padkaart" om die eienaar(s) te wys waarheen die onderneming gaan.

'n Sakeplan bring ál die belangrike inligting oor die onderneming bymekaar. Die inligting word logies neergeskryf sodat elkeen wat daarmee moet werk dit maklik kan verstaan. Dit moet realistiese en bereikbare doelwitte bevat en wys hoe die bestuurder beplan om 'n sakegeleentheid te benut.

Hoekom ondernemings sakeplanne ontwikkel[wysig]

Sakeplanne is meer belangrik vir klein ondernemings as wat dit is vir 'n groter een omdat in klein ondernemings die eienaar gewoonlik die enigste persoon is wat besluite neem, en elke besluit die toekoms van die onderneming drasties kan beïnvloed. In groter ondernemings is daar gewoonlik vennote of direkteure wat besluite neem en hulle staan mekaar by met die beplanning. Sakeplanne dien nie as waarborge dat die onderneming winsgewend sal wees nie, maar dit sal wél help om beter op krisise te reageer en om sekere probleme te vermy.

'n Sakeplan is ook 'n belangrike hulpbron wanneer 'n onderneming om geldelike hulp aansoek doen. Dit kan nuttig wees om nuwe sakevennote te kry en voorsien beleggers van inligting.

Verwysings[wysig]

  • Dinamiese Bedryfstudies deur Esterhuyse · Horn · Liebenberg, Kagiso, 2005