Santa Maria del Carmine, Pisa

in Wikipedia, die vrye ensiklopedie
Jump to navigation Jump to search
Kerk van Santa Maria del Carmine
Chiesa del carmine, pisa, facciata 00.JPG

Die Santa Maria del Carmine is 'n Rooms-Katolieke kerk wat in Pisa, Italië geleë is.

Die kerk is oorspronklik vanaf 1324 tot 1328 vir die Kloosterorde van die Karmeliete gebou. Teen 1425 is dit deur Masaccio versier met 'n beroemde poliptiek. Slegs een paneel van die altaarstuk bly egter in Pisa oor (in die Nasionale Museum van San Matteo (Italiaans: Museo Nazionale di San Matteo) ).

Die kerk self het deur die eeue heen talle rekonstruksies ondergaan. Die huidige eenvoudige vooraansig is in die 1830's deur Alessandro Gherardesca ontwerp. Die interieur beskik oor 'n orrel van Andrea Ravani wat in 1613 gemaak is, en altare met skilderye deur Baccio Lomi, Aurelio Lomi, Santi di Tito, Alessandro Allori, Francesco Curradi, en Andrea Boscoli.

Werke van Masaccio wat voorheen in die Santa Maria del Carmine was[wysig | wysig bron]

  • Madonna en Kind, nou in die Nasionale Galery van Londen.
  • Kruisiging, nou in die Museo di Capodimonte in Napels.
  • Sint Paulus, nou in die Museo Nazionale di San Matteo van Pisa.
  • St. Andrew, nou in die Getty Museum van Los Angeles.
  • Sint Augustyn, nou in die Staatliche Museen van Berlyn.
  • Sint Hieronymus, nou in die Staatliche Museen van Berlyn.
  • Twee Karmeliet Heiliges, nou in die Staatliche Museen van Berlyn
  • Martelaarskap van die Heilige Johannes die Doper en Kruisiging van Petrus, nou in die Staatliche Museen van Berlyn.
  • Verhale van Sint Julian en Sint Nicholas, nou in die Staatliche Museen van Berlyn.
  • Aanbidding deur die Wyses, nou in die Staatliche Museen van Berlyn.

Bronne[wysig | wysig bron]

  • Barsali, U.; U. Castelli; R. Gagetti; O. Parra (1999). Storia e Capolavori di Pisa. Florence: Bonechi.
  • Donati, Roberto. Pisa. Arte e storia. Narni: Plurigraf.