Sauvignon blanc

in Wikipedia, die vrye ensiklopedie
Sauvignon blanc-druiwe

Sauvignon blanc is 'n druifsoort met 'n groen skil wat afkomstig is van die Bordeaux-streek in Frankryk. Die druif kry sy naam waarskynlik van die Franse woorde sauvage ("wild") en blanc ("wit") as gevolg van sy vroeë oorsprong as 'n inheemse druif in Suidwes-Frankryk. [1] Sauvignon blanc word in baie van die wêreld se wynstreke geplant en produseer 'n skerp, droë en verfrissende witwyn. Die druif is ook 'n bestanddeel van die beroemde nageregwyne van Sauternes en Barsac. Sauvignon blanc word wyd verbou in Frankryk, Chili, Roemenië, Kanada, Australië, Nieu-Seeland, Suid-Afrika, Bulgarye en in die deelstate Washington en Kalifornië in die VSA. Sommige nuwewêreldse Sauvignon blancs, veral uit Kalifornië, kan ook 'Fumé Blanc' genoem word, 'n bemarkingsterm wat deur Robert Mondavi geskep is met verwysing na Pouilly-Fumé.

Afhangend van die klimaat, kan die geur wissel van aggressief grasagtig tot soet tropies. In koeler klimaatstelsels het die druif die neiging om wyne te produseer met 'n merkbare suurgehalte en "groen" geure van gras, groen soetrissies en brandnetels met tropiese vrugte (soos passievrugte) en blomme (soos vlierblom). In 'n warmer klimaat kan dit meer tropiese vrugtenote ontwikkel, maar die risiko is dat dit baie aroma verloor as gevolg van oormatige rypheid, wat 'n effense pomelo- en boomvrug (soos perske) geur oorlaat.

Wynkenners het die uitdrukking "helder, elegant en vars" gebruik as 'n gunstige beskrywing van Sauvignon blanc uit die Loire-vallei en Nieu-Seeland. [2] Sauvignon blanc, indien effens verkoel, pas goed saam met vis of kaas, veral chèvre. Dit staan ook bekend as een van die min wyne wat goed saam met soesji gaan. [3]

'n Sauvignon blanc van Marlborough, Nieu-Seeland.
Wingerde in Sancerre word dikwels met rose beplant rondom Sauvignon blanc as 'n vroeë opspoorder van skimmel.
'n Droë wit Bordeaux gemaak van 'n mengsel van Sauvignon blanc en Sémillon.

Verwysings[wysig | wysig bron]

  1. K. MacNeil The Wine Bible pg 52 Workman Publishing 2001 ISBN 1-56305-434-5
  2. Materman, "Stuff of legends: Marlborough Sauvignon blanc."
  3. Robert Joseph and Margaret Rand, KISS Guide to Wine DK Pub 2000 ISBN 0-7894-5981-7